Ներկայացնում ենք ըմպելիք, որն անփոխարինելի է գրիպի և մրսածության շրջանում:
Ընդամենը 1 բաժակ վարսակի ըմպելիքը կապահովի օրգանիզմի դիմացկունությունը, նաև կվերականգնի տոնուսը և ուժերը:
Այս ըմպելիքը շատ վիտամիններ է պարունակում և օգտակար կլինի երեխաների ու դեռահասների համար:
Վարսակը լվացեք պարտադիր հոսող ջրի տակ:
Ծիրանի չիրը և թուզը կտրեք ոչ մեծ կտորներով:
Անհրաժեշտ բաղադրիչները՝
- 50 գ. հատիկավոր վարսակ,
- 4 հատ ծիրանի չիր,
- 4 հատ թուզ,
- 2 ճ. գ. չամիչ,
- 1 ճ. գ. բնական մեղր,
- 300 մլ ջուր:
Պատրաստման եղանակը՝
Ամենը՝ բացի մեղրից, լցրեք կաթսայի մեջ, վրան եռացած ջուր լցրեք, հասցրեք եռման վիճակի, եռացրեք 15 րոպե:
Լցրեք թերմոսի մեջ և թողեք 3 ժամ:
Հետո բլենդերով մանրացրեք մինչև համասեռ զանգված ստացվի, ավելացրեք մեղրը և լավ խառնեք: Խմեք տաք վիճակում:
Սա հրաշալի վիտամիններով հարուստ էներգետիկ ըմպելիք է, որն էներգիա է տալիս և առույգացնում է:
