Մի՛ անտեսեք այս փոքրիկ կարմիր բծերը ձեր մարմնի վրա. Դրանք կարևոր նախազգուշական նշաններ կարող են լինել
Միացյալ Թագավորությունում գրանցվել են քոսի անսովոր մեծ բռնկումներ, և բժիշկները կոչ են անում մարդկանց բժշկական օգնություն փնտրել, եթե նկատում են կարմիր կետեր իրենց մարմնի վրա և չանտեսեն ախտանիշները:
Քոսը քոր առաջացնող ցան է, որն առաջանում է տզերից և տարածվում է մաշկի հետ անմիջական շփման միջոցով։ Վաղ բուժումը կարևոր է տարածումը կանխելու համար։ Ցանկացած մարդ կարող է վարակվել դրանով։
Որոշ ընդհանուր ախտանիշներ են ուժեղ քորը, հատկապես գիշերային ժամերին, և բարձրացած ցանը կամ բծերը։
Քոսը, որպես կանոն, ցան է առաջացնում մարմնի ամբողջ մակերեսով՝ բացառությամբ գլխի և պարանոցի, և հաճախ հայտնվում է մատների միջև, դաստակների, անութների, գոտկատեղի, աճուկի և հետույքի շուրջ։
Փոքր երեխաները, տարեցները և թուլացած իմունային համակարգ ունեցողները կարող են քոս ունենալ նաև գլխի, պարանոցի, ափերի և ներբանների վրա։ Իմունային անբավարարություն ունեցող մարդկանց մոտ, խիստ վարակիչ տեսակը, որը կոչվում է «խորշիկավոր քոս», կարող է թեփոտ ցան առաջացնել արմունկների, ծնկների, ձեռքերի և ոտքերի վրա։
Ազգային առողջապահական ծառայության (NHS) տվյալներով՝ երկրի հիվանդանոցներում ախտորոշված վարակակիրների թիվը 3600-ից ավելի է։
Ըստ RCGP-ի նախագահ, պրոֆեսոր Կամիլա Հոթորնի՝ շատ մարդիկ, ովքեր զգում են ախտանիշները, հրաժարվում են բժշկական օգնություն փնտրել վարակի շուրջ առկա «սոցիալական խարանի» պատճառով։ Նա ասաց, որ ընդհանուր պրակտիկայի բժիշկների ախտորոշումների թիվը «գերազանցում է հինգ տարվա միջին ցուցանիշը և աճում է, ընդ որում, Անգլիայի հյուսիսում նկատվում է դեպքերի կտրուկ աճ»։
«Թեև լուրջ հիվանդություն չէ, քոսը կարող է շատ քոր առաջացնող և գրգռիչ լինել», – ասաց նա:
«Եթե պատշաճ բուժում չստանա, այն կարող է տարածվել և մեծացնել հիվանդի մոտ բարդությունների, օրինակ՝ մաշկի երկրորդական վարակների ռիսկը կամ վատթարացնել մաշկային առկա հիվանդությունները»:
Չնայած դրան կցված սոցիալական խարանին, քոսի բռնկման պատճառներից մեկը բուժման միջոցների պակասն է։
