Հեռախոսի լիցքավորման 3 սխալ. Այսպես մի՛ արեք, որպեսզի ստիպված չլինեք նոր հեռախոս գնել
Հեռախոսի լիցքավորիչի սխալ օգտագործումը կարող է հանգեցնել նրան, որ ձեր մարտկոցն արագ դադարի լիցք պահել։ Յուրաքանչյուր մարդ իր մոտեցումն ունի գաջեթը լիցքավորելու հարցում. ոմանք այն անընդհատ են լիցքավորում, իսկ ոմանք լիցքավորման են դնում միայն այն ժամանակ, երբ լիցքի մակարդակը գրեթե զրոյի է մոտ։ Շատ կարևոր է իմանալ, թե ինչպես ճիշտ լիցքավորել հեռախոսը, որպեսզի մարտկոցն ավելի երկար ծառայի։
Շատերն սպասում են, մինչև իրենց հեռախոսը 100%-ով լիցքավորվի։ Սակայն մասնագետները խորհուրդ են տալիս լիցքը պահպանել 40-ից 80 տոկոսի սահմաններում։ Այս միջակայքում մարտկոցի ծանրաբեռնվածությունը նվազագույն է, ինչը զգալիորեն մեծացնում է դրա ծառայության ժամկետը։ Եթե հեռախոսը լիցքավորվի մինչև առավելագույնը, մարտկոցը կգտնվի մշտական լարվածության վիճակում, ինչը բացասաբար է անդրադառնում դրա երկարակեցության վրա։
Սխալներ, որոնք կարող են հանգեցնել մարտկոցի վնասմանը.
Մի՛ լիցքավորեք հեռախոսը շոգ սենյակներում և թույլ մի՛ տվեք, որ արևի ուղիղ ճառագայթներն ընկնեն դրա վրա։
Լիցքավորման համար ընտրեք զով տեղ՝ առանց արևի ազդեցության։
Խուսափե՛ք հեռախոսն օգտագործել լիցքավորման ընթացքում։
Այդ ընթացքում գաջեթը ոչ միայն չի լիցքավորվում, այլև սկսում է գերտաքանալ։ Եթե հեռախոսը գերտաքանա, այն կարող է ավելի վատ աշխատել կամ ընդհանրապես անջատվել։
Օգտագործե՛ք միայն օրիգինալ լիցքավորիչ։
Չինական կեղծիքները կարող են վնասել ձեր մարտկոցը։ Ոչ օրիգինալ լիցքավորիչները կարող են հանգեցնել հեռախոսի ներսում միկրոսխեմաների օքսիդացման և վնասման։ Ուստի շատ կարևոր է հեռախոսը լիցքավորել միայն իր սեփական լիցքավորիչի միջոցով։
