Հաճախ ասում են, որ վտանգն ամբողջությամբ կանխելն անհնար է։
Հաճախ ասում են, որ վտանգն ամբողջությամբ կանխելն անհնար է, և առօրյա կյանքում մենք անընդհատ բախվում ենք պոտենցիալ սպառնալիքների։ Հետևաբար, մեզ և մեր երեխաներին պաշտպանելու համար անհրաժեշտ է ուշադրություն դարձնել յուրաքանչյուր մանրուքի։ Հակառակ դեպքում, անզգուշությունը կհանգեցնի անդառնալի հետևանքների։ Չինաստանի Շանհայ քաղաքում սարսափելի դեպք է տեղի ունեցել. սառնարանի դուռը բացելիս պայթյուն է որոտացել, ինչի հետևանքով 5-ամյա տղան դեմքին 38 կար է ստացել։
Շանհայում տիրող շոգ ամառային եղանակի պատճառով տղան գազավորված ըմպելիքի բանկան դրել է սառցախցիկում, որպեսզի ըմպելիքն ավելի արագ սառչի։ Երբ նա բացել է բանկան, պայթյուն է տեղի ունեցել, ըմպելիքը շիթերով ցրվել է, իսկ բանկան կոտրվել։
Բժիշկները նշում են, որ նույն պատճառով հոսպիտալացումների դեպքերը հաճախակիացել են՝ գազավորված ըմպելիքների բանկաների սխալ օգտագործում, հատկապես դրանց սառեցում։
Երեք բան, որոնք կտրականապես չի կարելի դնել սառցախցիկում.
Գազավորված ըմպելիքներ:
Գազավորված ըմպելիքները բանկաներով չի կարելի պահել սառցախցիկում։ Սառեցման ժամանակ ջրի ծավալը մեծանում է, արտազատվում է ածխաթթու գազ, ստեղծվում է բարձր ճնշում, ինչը կարող է հանգեցնել բանկայի պայթյունի։ Ըմպելիքը սառեցնելու համար բավական է այն 5 րոպե պահել սառնարանում կամ սառույց ավելացնել։
Ալկոհոլային ըմպելիքներ:
Հերմետիկ փակված ալկոհոլային ըմպելիքները սառցախցիկում ճնշում են ստեղծում, ինչը կարող է պայթյուն առաջացնել։ Բացի այդ, դյուրավառ նյութերը սառնարանում պահելը վտանգավոր է. կայծը կարող է հանգեցնել հրդեհի և պայթյունի։ Ալկոհոլային ըմպելիքները պետք է պահել սենյակային ջերմաստիճանում՝ չոր, լավ օդափոխվող տեղում։ Գինին սառեցնում են սառույցով, գարեջուրը՝ հատուկ սառեցնող սարքերում։
Չոր սառույց:
Չոր սառույցը պինդ ածխաթթուն է։ -18°C-ից ցածր ջերմաստիճանում այն ընդարձակվում է 600-800 անգամ, ինչը կարող է հանգեցնել սառցախցիկի պայթյունի։ Չոր սառույցը պետք է պահել հատուկ մեկուսացված տարաներում։ Չի կարելի դրան դիպչել մերկ ձեռքերով. դա կարող է այրվածքներ առաջացնել։
