Նստակյաց կյանքի պատճառով մեզանից շատերի, հատկապես նրանց համար, ովքեր մշտապես համակարգչի մոտ են աշխատում, մեջքի ցավը սովորական է դարձել։ Եվ սա վերաբերում է բոլոր տարիքի մարդկանց։ Շատ ենք նստում, քիչ ենք շարժվում, անգիտակցաբար ծռում ենք մեր ողնաշարը՝ խորասուզվելով սմարթֆոնների ու պլանշետների մեջ։
Կյանքի ժամանակակից ռիթմը մեզ հնարավորություն չի տալիս շատ ժամանակ հատկացնել մեր առողջությանը։ Սկզբում մենք փորձում ենք ուշադրություն չդարձնել խնդիրների առաջին նշաններին։ Այնուամենայնիվ, երբ ցավերն ուժեղանում են, պարզ միջոցներով արդեն չես կարող օգնել։ Միշտ ավելի լավ է խուսափել առողջական խնդիրներից՝ կանխելով դրանք։
Վարժությունների համալիր ողնաշարի համար
Այս հոդվածում մենք քեզ համար պատրաստել ենք ողնաշարի և մեջքի 6 պարզ, բայց շատ արդյունավետ վարժություն, որոնք կատարելու համար շատ ժամանակ և հատուկ ֆիզիկական պատրաստվածություն չեն պահանջում, բայց միևնույն ժամանակ շատ լավ արդյունքներ են տալիս։
Ծովային աստղ
Հոգնա՞ծ ես աշխատանքից հետո։ Դու կարող ես ոչ միայն հանգստանալ, այլև օգնել քո մեջքին։ Դրա համար պարզապես պետք է պառկել հատակին, ձեռքերն ու ոտքերը տարածել կողքերի և մի փոքր պառկել այս դիրքում։ Հետո շատ հաճելի կլինի ոլորումներ կատարել. ձեռքերն ու ուսերը մեկ կողմ ենք պտտում, ազդրերը՝ մյուս կողմ։ Այնուհետև վերադառնում ենք սկզբնական դիրքին և նույնը կատարում մյուս կողմ։ Ամեն ինչ կատարում ենք շատ դանդաղ և հանգիստ։
Պառկած քար
Եվ նորից վարժություն ծույլերի համար։ Դրա կատարման համար քեզ անհրաժեշտ կլինի աթոռ։
Պառկիր հատակին, ցանկալի է տաք գորգի վրա, և ոտքերդ դիր աթոռի վրա։ Վարժությունն օգնում է վերականգնել արյան ճիշտ շրջանառությունը ամբողջ մարմնում, իսկ մեջքը կարող է հանգստանալ ցերեկային ծանրաբեռնվածությունից հետո։
Ճկուն օձ
Մարդու երիտասարդությունը որոշվում է նրա ողնաշարի շարժունակությամբ։ Այս վարժության հիմքում ընկած է օձի՝ ճկունությամբ աչքի ընկնող կենդանու պահվածքը։ Հնագույն ժամանակներում իմաստունները դիտում էին բնությունը, իսկ հետո կիրառում էին կենդանիներից փոխառված որոշակի դիրքեր ֆիզիկական վարժություններում։ «Ճկուն օձը» յոգայի ասանա է, բայց մի՛ անհանգստացիր, այս վարժությունը հասանելի է յուրաքանչյուրին։
Պարզապես պառկիր որովայնի վրա, ոտքերի մատներդ հենիր հատակին և բարձրացրու մարմինդ ձեռքերի վրա այնքան բարձր, որքան կարող ես։ Գլխավորը՝ զգալ մկանների լարվածությունը, բայց չափից դուրս չանել։
Սաղմ
Նորից զգա քեզ մայրիկի որովայնում. պառկիր սաղմի դիրքում։ Դրա համար պառկիր մեջքի վրա, ոտքերդ ծալիր և քաշիր դեպի որովայնդ՝ ձեռքերով գրկելով դրանք։
Մնա այս դիրքում 30 վայրկյանից մինչև մեկ րոպե։ Դու կարող ես կատարել այս վարժությունը նույնիսկ քո սիրելի սերիալը դիտելիս։ Միայն թե պետք է հատակին պառկել։
Կանգնել անկյունում
Տվյալ վարժության հիմնական նպատակը բոլոր մկանների թուլացումն է։ Նման «սար» ստեղծելու համար քեզ կօգնի ֆիթբոլը, եթե չունես, ապա օգնության կգա բազմոցի կամ աթոռի մեջքը։
Ոտքերը խճճվել են
Տվյալ վարժությունը մի փոքր ավելի բարդ է, քան նախորդները, բայց այն նույնպես քեզնից մեծ ֆիզիկական պատրաստվածություն չի պահանջի և հասանելի է յուրաքանչյուրին։
Պառկիր մեջքի վրա, մի ոտքդ ծալիր և դրա ծնկի տակ դիր մյուսը։ Բռնելով ստորին ոտքից, դանդաղ քաշիր այն քո կողմ՝ բարձրացնելով վերևի ոտքը։ Մի փոքր մնա այս դիրքում, բառացիորեն կես րոպե։ Կատարիր ութ մոտեցում յուրաքանչյուր ոտքի համար
Անպայման կատարիր այս 6 պարզ վարժությունները, և դու կմոռանաս ողնաշարի ու մեջքի խնդիրների մասին, ինչպես սարսափելի երազի։ Գլխավորը՝ մի՛ ծուլացիր։
