Միայն մեկ ախտանիշից հետո տղամարդը ցնցվեց՝ իմանալով, որ քաղցկեղ ունի, և որ այն տարածվում է այլ օրգանների վրա։
Սփրինգֆիլդի (Միսսուրի) 48-ամյա բնակիչ Շոն Մայքլի տեսանյութը, որում նա անկեղծորեն պատմում է քաղցկեղի դեմ պայքարի իր փորձի մասին, հայտնի է դարձել սոցիալական ցանցերում։
Անցյալ ամիս նա կիսվել էր իր ախտորոշմամբ YouTube-ի The Patient Story ալիքում, և մինչ այժմ տեսանյութը հավաքել է գրեթե 100,000 դիտում։
Բժիշկները Մայքլին հայտնել են, որ նրա հաստ աղիքի քաղցկեղը հասել է չորրորդ փուլի և մետաստազներ է տվել մի քանի այլ օրգաններում։
Չնայած տարիքին և ընդհանուր վիճակին՝ նա և բուժող բժիշկները հույս ունեն բարենպաստ ելքի։ Սակայն, քանի որ նախկինում նա բախվել էր ընդամենը մեկ, բավականին տիպիկ ախտանիշի, ախտորոշումը հսկայական ցնցում էր նրա և իր ընտանիքի համար։
48-ամյա Շոնը կարծում էր, թե պարզապես փորկապություն ունի։ Անցյալ տարվա հոկտեմբերին նրա մոտ սկսվել էին աղիքների հետ կապված խնդիրներ, և նա չէր կարողանում աղիքները դատարկել։ Երբ առանց դեղատոմսի միջոցները չօգնեցին, նա դիմեց շտապօգնություն, որտեղ նրան մի միջոց տվեցին, որը նա ինքը անվանեց «նապալմ ձեր աղիքների համար»։
Դեղորայքից հետո ախտանիշները որոշ չափով մեղմացան, բայց Մայքլը խոստովանեց, որ դեռ անհանգստություն էր զգում։
«Երկու օր անց ես դեռ ներսում ինչ-որ բան էի զգում։ Ցավն անտանելի էր», – ասաց նա։
Երբ նա վերադարձավ շտապօգնություն, համակարգչային տոմոգրաֆիան հաստ աղիքում հայտնաբերեց նորագոյացություն, և նրան ասացին, որ շտապ վիրահատական միջամտություն է անհրաժեշտ խոչընդոտը վերացնելու համար։ Սակայն վիրահատության ընթացքում բժիշկները հայտնաբերեցին նաև այլ տագնապալի ուռուցքներ։
Հիվանդության ընթացքը և հույսի շողը
Պրոցեդուրայի ընթացքում վիրաբույժները հեռացրին նրա աղիքի զգալի մասը, իսկ ճարպոնի՝ աղիքները շրջապատող հաստ ճարպային թաղանթի վրա, հայտնաբերեցին միանգամից մի քանի մեծ ախտահարումներ, որոնք մետաստազների տեսք ունեին։
«Վիրաբույժն ինձ բացատրեց, որ աղիքի խոչընդոտն այնքան մեծ էր, որ նա ապշած էր՝ ինչպես դա դեռ չէր հանգեցրել աղիքի պատռման», – պատմեց Մայքլը։
«Իրականում դա մի տեսակ երջանիկ պատահականություն էր․ ուռուցքը «կպել» էր դրսի ճարպային հյուսվածքին, և դա օգնեց դանդաղեցնել մետաստազների տարածումը այլ օրգաններ։
Չնայած առաջին վիրահատության ընթացքում հեռացվեց տեսանելի ուռուցքն ամբողջությամբ, Մայքլի մարմնում դեռ քաղցկեղային բջիջներ կային։ Նա լավատեսորեն է տրամադրված և այժմ պատրաստվում է քիմիաթերապիայի եռամսյա կուրսին՝ հիվանդության մնացորդային օջախները լիովին ոչնչացնելու համար։
