Մաշկի վրա թառամածություն և մանր կնճիռներ թույլ չտալու համար բավարար է շաբաթական մեկ անգամ յուղոտ կաթնաշոռով սնուցող դիմակներ անելը: Արդեն առկա խնդրի դեմ պայքարելու համար պետք է դիմակներ անել առնվազն 3 անգամ 10 օր:
Երիտասարդացնող դիմակներ օգտագործելուց առաջ պետք է պարտադիր մաշկը մաքրել աղտոտվածությունից և քսուքի մնացորդներից: Լանջաբացվածքի հատվածը և պարանոցը նույնպես կարող են նախապես մշակվել փափուկ սկրաբով կամ պիլինգով:
Դիմակ ընտրելիս պետք է հաշվի առնել, որ բաղադրիչները չպետք է ալերգիկ ռեակցիա առաջացնեն: Միջոցը քսվում է թփթփացնելով ամբողջ պարանոցին և լանջաբացվածքի հատվածին: Դիմակը պետք է 15-20 րոպե պահել: Երիտասարդացնող պրոցեդուրայից հետո միջոցը մաքրվում է ֆիլտրացված ջրով:
Թառամած մաշկ
1. Կաթնաշոռով, վարունգով և թթվասերով դիմակ
Մանր քերիչով անցկացրու միջին չափի վարունգ: Ավելացրու 1-ական ճ. գ. յուղոտ կաթնաշոռ և թթվասեր: Լավ խառնիր մինչև համասեռ զանգված ստացվի: Սնուցող դիմակը պատրաստ է:
2. Մաղադանոսով և կաթնաշոռով դիմակ
Ոչ մեծ փունջ մաղադանոս մանրացրու բլենդերով: Ավելացրու 2 ճ. գ. յուղոտ կաթնաշոռ: Լավ խառնիր: Քսիր մաշկիդ խնդրահարույց մասերին: Միջոցը նաև սպիտակեցնող ազդեցություն ունի
3. Կաթնաշոռով և մեղրով դիմակ
Խառնիր 1 ճ. գ. յուղոտ կաթնաշոռ և նույնքան մի քիչ տաքացված մեղր: Լավ խառնիր:
Ավելացրու կես թ. գ. բուսական յուղ (ձիթապտղի, արևածաղկի) և մի քանի կաթիլ վիտամին А: Լավ խառնիր: Ստացված դիմակը քսիր մաքուր պարանոցիդ և լանջաբացվածքիդ:
4. Մրգային-կաթնաշոռով դիմակ
Բլենդերով մանրացրու 50 գ. բանան և նույնքան կիվի: Ավելացրու 1 գդալ յուղոտ կաթնաշոռ, խառնիր մինչև համասեռ զանգված ստացվի: Կարող ես քսել մաշկիդ խնդրահարույց մասերին:
5. Կաթնաշոռով և դեղնուցով դիմակ
Խառնիր 1 ճ. գ. կաթնաշոռ, 1 ձվի դեղնուց և 1 թ. գ. հեղուկ մեղր: Լավ խառնիր: Դիմակը քսիր նախապես մաքրված մաշկիդ:
