Ամենայն հավանականությամբ, մեզանից յուրաքանչյուրը, ով իսկապես ցանկանում է նիհարել, պատրաստ է տառապել և զոհաբերություններ կատարել հանուն ցանկալի կազմվածքի… Իսկ եթե դուք դա անելու հնարավորություն չունե՞ք: Կամ պարզապես չե՞ք կարողանում հրաժարվել մի կտոր տորթից կամ ախորժելի խորովածից։ Ելք կա՛։
Հետևելով այս հինգ խորհուրդներին՝ դուք կարող եք նիհարել առանց դիետաների կամ ընդհանրապես ձեր սննդակարգը սահմանափակելու։
1) Ձեզ համար եփեք 300 մլ. թունդ իրական սուրճ (լուծվողը հարմար չէ), դրան ավելացրեք ավելի շատ դարչին, վանիլին և կարմիր պղպեղ: Օրական մեկ այդպիսի խառնուրդ կօգնի ձեզ լրջորեն բարձրացնել նյութափոխանակությունը։ Դա իսկապես աշխատում է, բայց շատ մի՛ խմեք, ուշադրություն դարձրեք ձեր առողջությանը:
2) Ամեն ուտելուց առաջ կես գրեյպֆրուտ կերեք, ինչ էլ որ լինի: Նույնիսկ եթե դուք պատրաստվում եք մի փոքրիկ կոնֆետ ուտել: Գրեյպֆրուտը ամենաարդյունավետ չեզոքացնող և ճարպ այրող միջոցներից է:
3) Բաժակի մեջ լցնել տաք ջուր (200 մլ), մեջը դարչին լցնել։ Թողնել սառչի կես ժամ։ Արդեն սառը (սա կարևոր է) հեղուկին ավելացրեք մեղր։ Խմեք կես բաժակ անմիջապես քնելուց առաջ, իսկ մնացած կեսը՝ առավոտյան դատարկ ստամոքսին:
4) Խմեք 2 բաժակ մաքուր ջուր ուտելուց 10-15 րոպե առաջ։ Սա մեծապես արագացնում է նյութափոխանակությունը, օգնում է սնունդը ճիշտ մարսել՝ առանց ճարպի մեջ պահվելու:
5) Ծամեք յուրաքանչյուր կտորն առնվազն 50 անգամ: «Ուտելիքը պետք է խմել, խմիչքը պետք է ուտել» – այսպես էին նշանաբանում հին բուդդայական վանականները, որոնք հնում, երբ պահպանվում էր այս սովորույթը, առանձնանում էին իրենց նիհարությամբ:
Այս կանոններից ընդամենը 1-2-ին հետևելով՝ դուք կարող եք նիհարել շաբաթական 0,5-2 կգ՝ առանց սննդակարգի որևէ սահմանափակման: Դե, եթե կարողանաք հավատարիմ մնալ բոլոր 5 կետերին, ապա անխուսափելիորեն կկորցնեք ոչ ավելի, քան 3 կգ ընդամենը 7 օրում: Հրաշք, այնպես չէ՞։ Եվ ամենակարևորը, առանց որևէ ջանքի:
