Մենք բոլորս էլ գիտենք, որ ավելորդ քաշը վտանգավոր է առողջության համար։
Այն բարձրացնում է սիրտ-անոթային հիվանդությունների, շաքարախտի, հենաշարժական ապարատի հետ կապված խնդիրների զարգացման հավանականությունը։
Սակայն պարզվում է դա բոլոր վտանգները չեն, որ առաջ է բերում ճարպակալումը։
Վերջերս արված հետազոտությունները թույլ են տվել անմիջական կապ գտնել ավելորդ կիլոգրամների և մի շարք օնկոլոգիական հիվանդությունների միջև։
Մեծ Բրիտանիայում, օրինակ, դա քաղցկեղի գրանցված դեպքերից յուրաքանչյուր 20- րդի պատճառն է։
Գիտնականները գտել են այն մեխանիզմը, որը թույլ է տալիս քաղցկեղային բջիջներին ավելի արագ աճել ու բազմանալ, երբ արյան մեջ գլյուկոզայի մակարդակն աճում է:
Սա կարող է բացատրել, թե ինչու արյան մեջ գլյուկոզայի բարձր մակարդակով մարդկանց (օրինակ ճարպակալում ունեցողների) մոտ զգալիորեն ավելի մեծ է քաղցկեղի տարբեր տեսակների զարգացման հավանականությունը:
Գիտնականների վերջին հետազոտությունների համաձայն, անգամ ծխախոտը այնքան վնասակար չէ օրգանիզմի համար, որքան ճարպակալումը։ Օնկոլոգիայի հավանականությունը ավելորդ քաշով մարդկանց համար երկու անգամ ավելի մեծ է, քան ծխողների համար։
Իհարկե, ավելորդ կիլոգրամների առկայությունը դեռ չի նշանակում, թե դուք պետք է անպայման քաղցկեղով տառապեք։
Բայց մեզանից յուրաքանչյուրը պետք է կարողանա կանխել այդ ռիսկերը՝ ընդամենը փոփոխելով իր սովորությունները։
Ինչպես հայտնի է, առողջ քաշը կարելի է պահպանել՝ հետևելով այս սկզբունքներին․
- Քիչ ուտել
- Նախընտրությունը տալ առողջ սնունդին
- Ավելի շատ շարժվել
Ինչպես հայտնի է, քաղցկեղը ժառանգական կամ տարբեր գործոնների ամբողջությամբ պայմանավորված հիվանդությունը։
Ճարպակալումը այդ գործոններից մեկն է։
Պարտադիր չէ շատ նիհար լինել, սակայն պահպանել առողջ քաշը կարող է յուրաքանչյուրը՝ օնկոլոգիական հիվանդությունների հավանականությունը նվազեցնելու համար։
