1. Երբ մեղրը տաքանում է, օքսիմեթիլֆուրֆուրոլ (ՕՄՖ) է անջատում: Այն համարում են պոտենցիալ քաղցկեղածին, այն գործնականում դուրս չի գալիս օրգանիզմից, բացասաբար է ազդում կենտրոնական նյարդային համակարգի վրա, նպաստում է չարորակ ուռուցքների առաջացմանը:
2. ՕՄՖ կա բոլոր քաղցրավենիքների մեջ, որոնք պատրաստվելու ընթացքում տաքացվել են: Այս նյութի պարունակության ռեկորդակիր է լուծվող սուրճը:
3. Ըստ ՕՄՖ-ի պարունակության մթերքները համեմատելով՝ մեղրն ամենավտանգավորը չէ: Քաղցր գազավորված ըմպելիքում ՕՄՖ-ի քանակը կարող է հասնել 300 մգ/կգ-ի, բոված սուրճի մեջ՝ 2000 մգ/կգ, մեղրի մեջ՝ 25 մգ/կգ:
4. Գիտնականները հաշվել են օրգանիզմին չվնասող ՕՄՖ-ի օրական քանակը՝ մարմնի քաշի 2 մգ/կգ:
5. Մեղրը մինչև 45°С տաքացնելու դեպքում քայքայվում են օգտակար ֆերմենտները և կորչում է մթերքի արժեքը: Իսկ 60-80°С-ից բարձրի դեպքում մեղրը քաղցկեղածին է դառնում: Այդ պատճառով խորհուրդ չի տրվում այն ավելացնել տաք ըմպելիքներին:
6. Որքան շատ է մեղրը տաքացվում, այնքան ավելի արագ են վատանում դրա որակները: Ուստի ցանկալի է այն սառը տեղում պահել:
7. Եթե պետք է մեղր հալեցնես, ջրային գոլորշի օգտագործիր: Որպեսզի այն չկորցնի օգտակար հատկությունները, ջերմաստիճանը չպետք է գերազանցի 40°С-ը:
8. Ուսումնասիրությունների համաձայն՝ մեղրը պետք չէ ոչ միայն տաքացնել, այլև պահել 20°С-ից բարձր ջերմաստիճանի պայմաններում:
