Մաշկը մեր մարմնի ամենամեծ «օրգանն» է. այն, ինչ մենք քսում ենք մաշկին, արագ ներծծվում է, այդ պատճառով էլ, համաձան հնդկական Այուրվեդայի, մաշկին պետք է քսել այն, ինչ կարելի է ուտել:
Կանոնավոր մաշկի համար նախատեսված բնական դիմակ
Բաղադրությունը
1 դեղձ
1 ճաշի գդալ վարսակ
1 ճաշի գդալ մեղր
Պատրաստման և օգտագործման եղանակը
Դեղձը կեղևահանել և տրորել այնքան, մինչև հարթ մածուկ ստացվի: Ավելացնել վարսակը և մեղրը, տրորել, մինչև խիտ մածուկանման զանգված ստացվի: Զգուշորեն քսել այն դեմքին և մարմնին, պահել 15 րոպե: Դիմակը հեռացնել հանքային ջրում թրջած բամբակով: Այս դիմակը մաշկը երիտասարդացնող հատկություն ունի:
Մրգերից պատրաստված մաքրող դիմակ
Դիմակը կարելի է պատրաստել տարատեսակ մրգերից և հատապտուղներից՝ բանան, տանձ, դեղձ, ելակ և ազնվամորի:
Պատրաստման և օգտագործման եղանակը
Ցանկացած միրգ կամ հատապտուղ տրորել, մինչև շիլայանման զանգված ստանալը: Քսել խոնավ մաշկին: 20 րոպե անց դեմքը լվանալ գոլ ջրով:
Դիմակ չոր մաշկի համար
Բաղադրությունը
½ ճաշի գդալ մեղր
1 ճաշի գդալ սերուցք
1 ճաշի գդալ կաթնաշոռ
Պատրաստման և օգտագործման եղանակը
Քնելուց առաջ դեմքին մեղր քսել և պահել 10 րոպե: Լվանալ սառը ջրով: Խառնել կաթնաշոռը և սերուցքը, քսել դեմքին և շրջանաձև շարժումներով մերսել 5 րոպե: Լվանալ հանքային ջրով: Արդյունավետության համար գործողությունը կրկնել օրումեջ երկու շաբաթ անընդմեջ:
Այս դիմակը հարմար է ոչ միայն չոր, այլև ցանկացած տիպի մաշկի համար: Այն մաքրող և փափկեցնող ազդեցություն ունի:
