Ճիշտ հարաբերությունները կարող են լինել միայն այն մարդկանց միջև, ովքեր զգայուն են զուգընկերոջ զգացմունքների նկատմամբ: Եթե նկատում եք, որ ձեր սիրելին թույլ է տալիս ձեր հանդեպ այս բաները, ապա պետք է նորից մտածեք: Այս մարդը օգտագործում է ձեզ։
1. Ստիպում է կասկածեք ինքներդ ձեզ
Ամենավատը, որ մարդը կարող է անել, զրկել ինքներդ ձեզ գնահատելու հնարավորությունից: Եթե ինչ–որ մեկը ձեզ ստիպում է կասկածել ինքներդ ձեզ, ապա դա հստակ նշան է, որ նա չի սիրում ձեզ։
2. Վերահսկում է այն, ինչ դուք անում եք
Եթե մարդը փորձում է վերահսկել ձեր կյանքի բոլոր ասպեկտները` ուր եք գնում, ում հետ եք շփվում, ինչ եք հագնում, ապա, ամենայն հավանականությամբ, դուք հայտնվել եք «վանդակ» կատեգորիայի հարաբերությունների մեջ: Վերահսկողության հաջորդ փուլը արգելքներն են: Մի շփվիր նրա հետ, մի հագիր սա, մի գնա այնտեղ…
3. Մեղադրում է խնդիրների մեջ
Մյուս մարդուն սեփական խնդիրների մեջ մեղադրելը երեխայություն է։ Բոլորը պատասխանատու են իրենց գործողությունների, ընտրության և արարքների համար: Նա, ով փորձում է սեփական սխալների պատասխանատվության բեռը դնել ձեր ուսերին, իսկապես, երբեք չի կարող իրական չափահաս լինել։
4. Տեսնում է միայն ամենավատը
Նա նկատում է ձեր բոլոր թերությունները, բարձրաձայնում ամեն ինչ: Ձեր մեջ ավելի շատ վատն է տեսնում, քան լավը: Սա ճանապարհ է դեպի կասկած ինքներդ ձեր հանդեպ, դեպի «դու չես կարող ինձ սիրել» մտքերին ու բարդույթներին։ Միշտ հիշեք, իր սիրելիի նկատմամբ իրեն այսպես է պահում միայն նա, ով ինքն է բարդութավորված, նա այս կերպ փորձում է ձեզ զգացնել, որ դուք միայն նրան եք պետք։
5. Ծաղրում է ձեզ
Երազներ, բառեր, որոշ սխալներ… կարող եք կատակել և միասին ծիծաղել: Բայց եթե այդ կատակները խոցում են ձեզ, իսկ նա անտեսում է ձեր հույզերը, ապա միգուցե դուք ճիշտ մարդու հետ չեք… Որովհետև այն մարդը, ով սիրում է, միտումնավոր չի վիրավորի:
