Ճապոնացիները անսովոր, բայց շատ խելացի մարդկանց համբավ ունեն։ Զարմանալի կազմակերպվածության շնորհիվ, Ծագող արևի երկրի բնակիչները հասել են բարձր արդյունքների կյանքի տարբեր ոլորտներում:
Ինչպես են Ճապոնիայում վերաբերվում կերակրի աղին: Ճապոնացիները հաճախ աղ են ցանում տան շեմին, հյուրասենյակի անկյուններում և նույնիսկ զուգարանի մեջ: Ինչո՞ւ են այս խելոք մարդիկ անում այսպիսի տարօրինակ բաներ:
Աղը տան մեջ
Հանրաճանաչ համեմունքը հարգված է աշխարհի տարբեր անկյուններում: Բայց Ճապոնիայում ընդհանրապես վստահ են, որ աղ կարելի է օգտագործել ոչ միայն խոհանոցում, այլև վախեցնել չար ոգիներին և հաջողությունը գրավել:
Մաքրման ծեսեր անցկացնելիս, երբ ճապոնացիները փորձում են ազատվել վատ էներգիայից և չեզոքացնել չար ոգիների հնարքները, նրանք առանց վարանելու օգտագործում են աղը: Նույնիսկ հիշատակի արարողության ժամանակ զոհասեղանի վրա տեղադրվում է այս համեմունքով անոթ։
Սումոիստների մրցումներն էլ չեն անցնում առանց այդ փոքր բյուրեղիկների, քանի որ ընդունված է ռինգում պարբերաբար աղ ցանել: Այն նաև ցանում են ռեստորանների, բարերի, սրճարանների կամ զվարճանքի վայրերի մուտքի մոտ, քանի որ համարվում է, որ աղը գրավում է հաճախորդներին: Իսկ դռան շեմին «սպիտակ ոսկի» –ն ոչ միայն նպաստում է էներգիայի մաքրմանը, այլև վերացնում է այդ տունը մտնող յուրաքանչյուր մարդու վատ մտքերը:
Հատկապես զարմանալի է, որ զուգարաններում և լոգարաններում ճապոնացիները նույնպես աղ են ցանում։ Տեղացիները կարծում են, որ օդափոխման վանդակաճաղերի և բացվող պատուհանների միջոցով չարը կարող է մուտք գործել այդտեղ: Հետևաբար, հնարավոր է պաշտպանել բնակարանները միայն այդ նույն հանրաճանաչ համեմունքի միջոցով:
Անկյուններում աղ թափելը տգեղ է, և դժվար թե թույլատրվի այնպիսի գեղագետների համար, ինչպիսիք են «Ծագող արևի» երկրի բնակիչները: Հետևաբար համեմունքները լցվում են ափսեների մեջ, որոնք տեղադրվում են անհրաժեշտ վայրերում: Հաճախ աղից պատրաստում են բազմանկյուն բուրգեր (սովորաբար` եռանկյուն) կամ ֆիգուրներ են սարքում, որոնք ունակ են պաշտպանել և զարդարել տարածքը։
Ինչ վերաբերում է ճապոնական հավատքին, որ աղը կարող է գրավել հաճախորդներին, դրա հետ կապված հին ճապոնական լեգենդը կա։
Ըստ լուրերի, կայսր Կիոտոն, որը կառավարել է մեկուկես հազար տարի առաջ, ուներ հսկայական հարեմ` 3 000 կանանցից բաղկացած: Բայց նրա համար հեշտ չէր ընտրել այն մեկին, ում հետ նա կանցկացներ գիշերը: Եվ, հետևաբար, նա ընտրությունը հանձնարարեց ձիուն. Այն շեմին, որին կմոտենա միապետի հավատարիմ ընկերը, նա էլ կլինի հաջողակ։
Եվ որպեսզի ավելի հաճախ օգտվի կայսեր ուշադրությունից, այդ գեղեցկուհին խորամանկ քայլի դիմեց՝ իր դռան դիմաց աղ շաղ տալով: Ցանկանալով համտեսել իր սիրելի համեմունքը` ձին ամեն անգամ գնում էր այս ճարպիկ կնոջ շեմի մոտ` իր հետ բերելով իշխանին։ Այդ ժամանակվանից ի վեր ճապոնացիները հավատում են, որ տանը աղը շաղ տալը նշանակում է ճիշտ մարդկանց, բախտի և փողի ներգրավում ձեր տուն:
Այդուհանդերձ, զարմանալի է, թե ինչպես է նոր տեխնոլոգիաների արագ զարգացումը և ռոբոտների ստեղծումը Ճապոնիայում համադրվում նման համոզմունքի հետ: Արժ՞ե նույնպես ամենուրեք աղ ցանել: Ընտրությունը յուրաքանչյուրինն է:
Չէ որ մենք էլ ունենք ավանդույթներ, որոնք պետք է պատվել։
