Այսօր՝ նոյեմբերի 27-ին, ծնվել է 60-70-ական թ-երի մարտաֆիլմերի ամենահայտնի աստղը՝ Բրյուս Լին:
Դերասանն այսօր կդառնար 79 տարեկան:
Բրյուս Լին համարվում է արեւելյան մարտարվեստի ամենազզդեցիկ ներկայացուցիչներից մեկը, որը ժամանակին նոր լուծումներ է հաղորդել մարտարվեստի այդ տեսակին:
Նա նկարահանվել է մի շարք մարտաֆիլմերում՝ փոխելով ամերիկյան ֆիլմերի կարծրատիպերը չինացի հերոսների նկատմամբ:
Հայտնի մարզիկն ու կինոդեմքը ցավոք երկար կյանք չի ունեցել: Նա մահացել է 1973 թ-ին՝ 33 տարեկան հասակում:
Դերասանի մահվան առեղծվածը դեռեւս հստակ բացահայտված չէ:
Կան մի քանի տարբերակներ.համաձայն դրանցից մեկի՝ Լին մահացել է գլխացավի համար ընդունած դեղի պատճառով, որը ալերգիկ ռեակցիա է ունեցել նրա օրգանիզմի վրա:
Այսօր ձեր ուշադրությանն ենք ներկայացնում դերասան-մարզիկի ամենահայտնի եւ ոգեշնչող մտքերից մի քանիսը:
«Գիտելիքը քեզ ուժ կտա, իսկ բնավորությունդ՝ հարգանք»:
«Եթե սիրում ես կյանքը, մի վատնիր ժամանակդ, քանի որ կյանքը կազմված է ժամանակից»:
«Պահպանիր էությունդ, արտահայտիր ինքդ քեզ, հավատա ուժերիդ: Մի փորձիր կրկնօրինակել որեւէ հաջողակ մեկին»:
«Եթե ժամերով մտածես աշխատանքիդ մասին, ոչինչ չես հասցնի անել»:
«Ես չեմ ծնվել, որպեսզի բավարարեմ ձեր սպասումները, դուք էլ չեք ծնվել իմը բավարարելու համար»:
«Տաքարյունությունը վաղ, թե ուշ ձեզ կհիմարեցնի»:
«Ես չեմ վախենում այն մարդուց, որը կարողանում է 10 հազար անգամ հարվածել մեկին, ես վախենում եմ նրանից, որը 10 հազար անգամ հարված է ստացել»:
«Որքան քիչ ջանք գործադրես, այնքան արագ եւ ուժեղ կլինես»:
«Ինչ մտածում ես, այն էլ դառնում ես»:
«Մարդը՝ նա, ով ապրում է, նա, ով ստեղծագործում է, միշտ ավելի կարեւոր է, քան որեւէ ընդունված չափանիշ կամ համակարգ»:
