Ուսումնասիրությունների համաձայն՝ այն, թե ինչպես են սիրահարներն իրար ձեռք բռնում, շատ բան կարող է պատմել նրանց հարաբերությունների մասին:
Մատների թույլ հյուսում
Այս ձևը ցույց է տալիս, որ ձեր հարաբերությունները հուզականորեն կայուն են և դուք լիովին վստահում եք զուգընկերոջը: Այդպես շրջապատողներին ցույց եք տալիս, որ հարաբերությունների մեջ եք՝ միաժամանակ անձնական տարածք թողնելով՝ հարգում եք միմյանց զգացմունքները և անհատականությունը:
Ափը ափի մեջ
Ում ափը դեպի ներքև է ուղղված, առաջատար է հարաբերություններում և ուզում է պատասխանատվություն կրել:
Հյուսված մատներ
Ձեզ ավելի խորը զգացմունքներ են կապում, քան պարզապես ֆիզիկական հակումը: Աշխատում եք ազնիվ լինել իրար հետ: Ձեր հարաբերությունները կառուցված են վստահության և փոխադարձ հոգատարության վրա:
Մի մատը բռնած
Ձեր հարաբերությունները սիրախաղի և խաղարկային փուլում են: Նոր եք ուսումնասիրում իրար և տրամադրված եք ռոմանտիկ հարաբերությունների առանց լուրջ պարտավորությունների:
Պատահական հպումներ
Եթե կողք կողքի քալում եք, ձեր ձեռքերը մերթընդմերթ հպվում են իրար, բայց իրար ձեռք չեք բռնում, ձեզնից մեկն առանց խոսքի նշան է անում, որ հավանում է կողքինին:
Մատները բռնած
Նա, ով բռնում է մատները, հարգանք և նվիրվածություն է ցուցաբերում, ցույց է տալիս պաշտպանելու իր պատրաստակամությունը: Նա, ում ձեռքը բռնում են, լիակատար վստահություն է դրսևորում:
Դաստակից բռնած
Խոսում է ֆիզիկական տարվածության, կրքի, միասին լինելու փոխադարձ պահանջմունքի մասին: Բայց հնարավոր է՝ այս ժեստը խոսում է ինքնահավան, կոշտ բնավորության մասին:
Իրանից բռնած
Հարաբերոեւթյուններն ինտիմ են, էրոտիկ բնութ ունեն: Եթե ժեստը փոխադարձ չէ, դա կարող է խոսել զուգընկերներից մեկի արտահայտված սեփականության զգացումի մասին:
Թևի տակից բռնած
Այդպես կինը ցույց է տալիս իր թուլությունը, ուզում է հենարան և աջակցություն ստանալ: Այս ժեստն արտահայտում է կայուն, ամուր հարաբերություններ:
