Այսօր Կահիրեի Մաթարիա թաղամասում չքավորներ են ապրում:
Այդ վայրը հետնախորշ է համարվում, որտեղ շատ հազվադեպ են զբոսաշրջիկներ գնում:
Սակայն մի քանի հազարամյակ առաջ աղքատ արվարձանի տեղում եղել է լեգենդար բնակավայր՝ հայտնի ամբողջ հին աշխարհին:
Եգիպտացիներն այդ քաղաքն անվանել են Հելիոպոլիս:
Եգիպտա-գերմանական հնագիտական խումբը, որը վերջերս այնտեղ աշխատանքներ է սկսել, 8-մետրանոց սրձանի մասնիկներ հայտնաբերեց:
Ուսումնասիրելով այն՝ գիտնականները նշեցին, որ արձանը լեգենդար Ռամզես II-ինն է:
Այդ փարավոնը համարվում է հին Եգիպտոսի ամենամեծ իշխողներից մեկը:
Լեգենդար փարավոնին անվանել են «հսկա մարդկանց մեջ»:
Այդ ժամանակվա եգիպտացիների միջին հասակը կազմել է ընդամենը 160 սմ:
Ռամզես II-ն իր 180 սմ հասակով իր ենթակաների աչքում իսկական հսկա է եղել:
Գնահատելով գտածոների մասշտաբը՝ գիտնականներն անմիջապես սկսեցին դրանց վերականգնումը:
Հնագետների հաշվարկներով՝ արդեն հաջորդ տարի դրանցից հնարավոր կլինի առանձին ցուցահանդես կազմակերպել Կահիրեի եգիպտական թանգարանում:
Տեղի իշխանությունները հույս ունեն, որ ապագա ցուցահանդեսը կօգնի վերականգնել զբոսաշրջիկների հետաքրքրությունը Եգիպտոսի նկատմամբ և օգնել տնտեսությանը:
Բացի փարավոնի հսկայական արձանից՝ հնագետները հայտնաբերեցին նրա թոռի՝ Սեթի II-ի արձանը և մի շարք այլ կարևոր հնություններ:
