🔎 Ինչպես հասկանալ, որ երիկամները ցավում են. վաղ ախտորոշման գաղտնիքները

Մեր երիկամները զույգ օրգան են, որոնց աշխատանքից ուղղակիորեն կախված է կյանքը: Դրանք ամեն օր անդադար զտում են արյունը՝ ազատելով այն նյութափոխանակության վերջնական արգասիքներից՝ կրեատինինից, միզանյութից, թթուներից և այլ միացություններից: Եթեր այդ նյութերը ժամանակին չեն հեռացվում, դրանք սկսում են կուտակվել և իրական թույնի են վերածվում օրգանիզմի համար: ☠️

Ուստի, երիկամների վիճակը սերտորեն կապված է ընդհանուր առողջության հետ: Վտանգը կայանում է նրանում, որ շատ ախտաբանություններ զարգանում են գաղտնի, և հենց դրա համար էլ երիկամներին անվանում են «լուռ մարդասպաններ»: 🤫

Հաճախ մարդիկ մանրակրկիտ հետևում են արյան մեջ գլյուկոզայի մակարդակին և զարկերակային ճնշմանը, բայց մոռանում են կրեատինինի թեստի կարևորության մասին, որը ցույց է տալիս, թե որքան արդյունավետ են աշխատում երիկամները: Մինչդեռ քրոնիկ երիկամային անբավարարությունը աշխարհում մահացության հիմնական պատճառներից մեկն է: 🌎

Թեև ճշգրիտ ախտորոշումը հաստատվում է միայն հետազոտությունների՝ մեզի և արյան անալիզների, ինչպես նաև ուլտրաձայնային հետազոտության միջոցով, կան մի շարք ազդանշաններ, որոնք օրգանիզմը նախապես է տալիս: 📢 Այս ախտանիշները կարող են առաջանալ նաև այլ հիվանդությունների դեպքում, բայց դրանք անտեսել չի կարելի: Դրանց առաջացման դեպքում պետք է դիմել բժշկի: 👨‍⚕️

Հատկապես կարևոր է վերահսկել երիկամների վիճակը 60-ից բարձր տարիքի մարդկանց, հիպերտոնիա, շաքարային դիաբետ, ճարպակալում, նյութափոխանակության համախտանիշ, սրտի իշեմիկ հիվանդություն ունեցող կամ ժառանգականությամբ ծանրաբեռնված պացիենտների մոտ: 🧍‍♀️🧍‍♂️

Սկսվող երիկամային անբավարարությունը հաճախ դրսևորվում է օրգանիզմում հեղուկի կուտակմամբ: Սկզբում այտուցներ են հայտնվում ոտքերի, կոճերի, թաթերի վրա: Նման այտուցները հեշտ է որոշել. եթե սեղմեք դրանց վրա մատով, փոսիկ է մնում: Դա նույնիսկ թեթև այտուցի դեպքում էլ հետազոտվելու պատճառ է: 🔍

Երբեմն այտուցները նկատելի են աչքերի շուրջը: Դա կապված է մեզի միջոցով սպիտակուցի կորստի հետ, որը խաթարում է օրգանիզմում հեղուկի հավասարակշռությունը և հանգեցնում հյուսվածքներում դրա կուտակմանը: 💧

Երբ երիկամները դադարում են հաղթահարել տոքսիների հեռացումը, նյութափոխանակության արգասիքները սկսում են թունավորել օրգանիզմը: Մարդն իրեն հոգնած և քնկոտ է զգում, աշխատունակությունը նվազում է: Դե իհարկե, ժամանակի ընթացքում այս զգացողությունը մշտական է դառնում: Չնայած այն հանգամանքին, որ ախտանիշը ոչ սպեցիֆիկ է, այն ուշադրություն է պահանջում: 👀

Շատ հիվանդների մոտ նկատվում է ախորժակի նվազում, բերանում «մետաղական» համի զգացում: Նույնիսկ փոքր քանակությամբ սնունդը հագեցվածություն է առաջացնում: Դա կապված է նյութափոխանակության արգասիքներով թունավորման հետ: 🤢

Առավոտյան սրտխառնոցի, իսկ ավելի ուշ՝ փսխման նոպաները, հաճախ ցույց են տալիս երիկամների աշխատանքի վատթարացում: Ուշ փուլերում դրանք դառնում են մշտական և ուղեկցվում սնունդից լիակատար հրաժարումով: 🙅‍♀️

Հեմոգլոբինի մակարդակի անկումն առանց տեսանելի արյունահոսության՝ երիկամների հիվանդությունների հաճախակի բարդություն է: Պացիենտի մոտ նկատվում է գունատություն, թուլություն, դանդաղկոտություն: Պատճառները՝ էրիթրոպոետինի, երկաթի պակաս, ինչպես նաև տոքսինների ազդեցություն: 😔

Սովորական ռեժիմի ցանկացած փոփոխություն տագնապելու պատճառ է: Մեզի ծավալի նվազումը, հաճախակի միզարձակումը, հատկապես գիշերը, պետք է հետազոտվելու պատճառ դառնան: Փրփրոտ մեզը ցույց է տալիս սպիտակուցի բարձր պարունակություն, արյունը՝ երիկամների վնասվածք, քարեր կամ ուռուցքներ: Մեզի մեջ թարախը՝ բարձր ջերմաստիճանի և դողի հետ միասին, լուրջ վարակի նշան է: 🚨

Մաշկի չորություն, քոր, քրտինքի և մաշկի տհաճ հոտը կարող են լինել քրոնիկ երիկամային անբավարարության դեպքում տոքսինների կուտակման հետևանք: 😖

Ցավը կամ անհանգստությունը գոտկատեղի, որովայնի ստորին հատվածում կամ կողոսկրերի հատվածում կարող են ցույց տալ պիելոնեֆրիտ, քարեր կամ երիկամների ու միզուղիների այլ խնդիրներ: 😩

Զարկերակային հիպերտենզիան կարող է լինել ոչ միայն պատճառ, այլև երիկամների հիվանդությունների հետևանք: Դրանց ֆունկցիայի նվազման դեպքում տեղի է ունենում հեղուկի և նատրիումի կուտակում, ինչը հանգեցնում է ճնշման կայուն բարձրացմանը: 🩸

Երիկամների հիվանդությունների վաղ ախտորոշումը առանցքային դեր է խաղում: Որքան շուտ մարդը դիմի բժշկի, այնքան մեծ է պրոցեսը կանգնեցնելու և առողջությունը պահպանելու հավանականությունը: Բարեկեցության նույնիսկ փոքր փոփոխությունները պետք է լուրջ ընդունել. ժամանակին բուժումը կարող է կանխել ծանր բարդությունները: 🙏