Առաջին տպավորությունը մարդկանց միջև հարաբերություններ ձևավորող առանցքային գործոններից է։ Որքան էլ պնդենք, որ գլխավորը ներաշխարհն է, հենց արտաքին տեսքն է վճռորոշ դեր խաղում ծանոթության առաջին իսկ վայրկյաններին։
Կանայք, ինչպես և տղամարդիկ, ուշադրություն են դարձնում մանրուքներին՝ դիմագծերին, մարմնի համամասնություններին, կեցվածքին, խնամվածությանը։ Ընդ որում՝ սա տեղի է ունենում ենթագիտակցական մակարդակում։
Հայտնի հոգեբան Գորդոն Փաթցերի՝ «Արտաքին տեսք. ինչու է այն ավելի կարևոր, քան թվում է» գրքի հեղինակի խոսքով, կնոջ ուղեղը վայրկյանների ընթացքում մշակում է տղամարդու մասին տեսողական տեղեկատվությունը՝ ձևավորելով առաջին տպավորությունն այն մասին, թե արդյոք նա դուր է գալիս իրեն, թե ոչ։
Ուրեմն, տղամարդու արտաքինի ո՞ր դետալներն են ամենաուժեղը գրավում կանանց հայացքը։ Ահա, թե ինչ են ցույց տալիս ժամանակակից հետազոտությունները։
№1. Հայացք
«Աչքերն հոգու հայելին են» արտահայտությունը իրական հոգեբանական հիմնավորում ունի։ Հայացքը կարող է փոխանցել զգացմունքներն ու ներքին վիճակն առանց որևէ բառի։
One Poll-ի հարցման համաձայն՝ կանանց ավելի քան 80%-ն առաջին հանդիպման ժամանակ նախ և առաջ ուշադրություն է դարձնում հենց աչքերին։ Դրանցով նրանք որոշում են տղամարդու վստահության մակարդակը, նրա բաց լինելը երկխոսության համար և զգացմունքային կայունությունը։
Հայացքն արտացոլում է տրամադրությունը՝ հանգստություն, ուրախություն, անհանգստություն կամ գրգռվածություն։ Գիտնականները նաև պարզել են, որ ծիածանաթաղանթի մուգ եզրագիծը (լիմբալ օղակը) ուժեղացնում է գրավչության ընկալումը. որքան այն ավելի հակադիր է, այնքան ավելի երիտասարդ և պայծառ է թվում հայացքը։
Խորհուրդ. մշակե՛ք աչքի կոնտակտ պահպանելու սովորություն՝ դա օգնում է վստահություն ներշնչել և ուժեղացնել հետաքրքրությունը։
№2. Ուժեղ ծնոտ և ցայտուն այտոսկրեր
Ցայտուն այտոսկրերն ու ամուր ծնոտը տղամարդու արտաքին գրավչության ամենակարևոր հատկանիշներից են կանանց տեսանկյունից։
Evolution and Human Behavior ամսագրում հրապարակված հետազոտությունը ցույց է տվել, որ պտղաբերության շրջանում կանանց 92%-ը ավելի հաճախ ուշադրություն է դարձնում դեմքի ուժեղ դիմագծերով տղամարդկանց։ Էվոլյուցիոն առումով սա կապված է տեստոստերոնի բարձր մակարդակի և գերակայող վարքագծի հետ։
Հստակ ծնոտի գիծն ու կզակը վկայում են առողջության և լավ գեների մասին, ինչը հատկապես կարևոր է այն կանանց համար, ովքեր տղամարդուն դիտարկում են որպես ապագա երեխաների հավանական հայր։
Խորհուրդ. նույնիսկ եթե բնությունը ձեզ չի պարգևել վառ արտահայտված այտոսկրեր, խնամվածությունն, ճիշտ սանրվածքն ու կոկիկ մորուքը կօգնեն տեսողականորեն բարելավել դեմքի ձևը։
№3. Խնամված դեմք
Այն կարծիքը, թե մաշկի խնամքը «ոչ տղամարդկային» է, վաղուց հնացել է։
Նույնիսկ առանց «իդեալական» դիմագծերի, խնամվածությունը կարող է զգալիորեն բարձրացնել գրավչությունը։ Կանայք ուշադրություն են դարձնում ոչ միայն դեմքի ձևին, այլև նրան, թե որքանով է տղամարդը հետևում իրեն։
Սովորաբար գնահատվում է՝
- մաշկի վիճակը (ցաների, կարմրության, հոգնածության հետքերի բացակայություն)
- մորուքի կոկիկությունը կամ սափրվելու հարթությունը
- սանրվածքի մաքրությունն ու կոկիկությունը։
Մաշկաբանության եվրոպական ակադեմիայի տվյալներով՝ խնամված մաշկն ընկալվում է որպես առողջության և կյանքի բարձր որակի նշան։
Խորհուրդ. մաշկի հետ կապված խնդիրների դեպքում արժե դիմել մասնագետի և ընտրել հիմնական խնամք՝ մաքրում, խոնավացում, արևից պաշտպանություն։
№4. Ձեռքեր
Տղամարդու ձեռքերը կարող են շատ բան պատմել տիրոջ մասին՝ զբաղմունքը, ֆիզիկական կերպարը, անձնական հիգիենայի հանդեպ վերաբերմունքը։
Հոգեբան Վենդի Ուոլշը նշում է, որ կանանց ուղեղն արագ է կարդում ձեռքի ափերի ձևը, մատների ուժն ու մաշկի վիճակը։ Ենթագիտակցական մակարդակում կանայք գնահատում են, թե արդյոք տղամարդն ունակ է պաշտպանել և հոգ տանել, ինչպես նաև որքանով է նա կոկիկ։
Հատուկ ուշադրություն է դարձվում՝
- մաքուր և խնամված եղունգներին
- չափազանց չորության բացակայությանը
- երակների ռելիեֆին, ինչը հաճախ ասոցացվում է ակտիվ կենսակերպի հետ։
Խորհուրդ. կոկիկ կտրված եղունգները, մաքուր մաշկը և կանոնավոր խնամքը ստեղծում են կոկիկ և մանրամասներին ուշադիր տղամարդու կերպար։
№5. Ուսեր
Լայն ուսերը՝ նեղ իրանի հետ համադրված, ձևավորում են այն V-աձև կերպարը, որը կանայք ընկալում են որպես ուժի և առողջության խորհրդանիշ։
Proceedings of the National Academy of Sciences-ի տվյալներով՝ կանանց ավելի քան 70%-ը նախընտրում է հենց այս համամասնությունը, քանի որ ենթագիտակցորեն այն ասոցացվում է հուսալիության և ֆիզիկական դիմացկունության հետ։
Բացի այդ, լայն ուսերը ստեղծում են տպավորիչ ուրվագիծ, որը տեսանելի է հեռվից և գրավում է ուշադրությունը։
Խորհուրդ. մեջքի և ուսերի մկանների կանոնավոր մարզումները կօգնեն բարելավել կազմվածքը։ Կարևոր է նաև հետևել կեցվածքին և ամրացնել ողնաշարը։
№6. Մեջք և կեցվածք
Ուղիղ մեջքը ուժի և առողջության նշաններից է, որին կանայք ուշադրություն են դարձնում։ Ուժեղ և ուղիղ կեցվածքը խոսում է ներքին վստահության մասին։
Ճիշտ հակառակը՝ կուզ կեցվածքը հոգնածության և անվստահության տպավորություն է ստեղծում։
Evolutionary Psychology (2016) ամսագրում հրապարակված հետազոտությունը ցույց է տվել, որ տղամարդիկ, ովքեր ճիշտ կեցվածք ունեն, ընկալվում են որպես ավելի հուսալի և վստահ։
Խորհուրդ. ամրացրե՛ք մեջքի մկանները քաշումների, պլանկաների և ձգումների միջոցով, ընդմիջումներ արե՛ք նստած աշխատանքի ժամանակ և հետևե՛ք մարմնի դիրքին։
