Հիշում եմ՝ մեր դասարանում կար մի աղջիկ՝ Տանյան, ում բոլորը «Բրեժնևա» էին կոչում՝ սլավոնական արտաքինին ոչ տիպիկ նրա խիտ, սև հոնքերի պատճառով։ Այդ ժամանակ նորաձև էին թել հոնքերը, ուստի յուրաքանչյուր ինքնահարգանք ունեցող աղջիկ իր պայուսակում ուներ պինցետ և օրը մի քանի անգամ աննկատ կերպով հոնքերը կտրատում էր։
Տարիներ անցան, նորաձևության չափանիշները փոխվեցին, և հիմա Տանյան հայտնի մոդել է։ Նրան առավել շատ օգնեցին արտահայտիչ աչքերն ու այն նույն խիտ հոնքերը, որոնք նրա դեմքն անսովոր են դարձնում և առանձնացնում ամբոխից։
Այսօր մենք կպատմենք գեղեցկուհի Հոլլի Բրուտի մասին, ով 12 տարեկանում հասել է 182 սմ հասակի և ավելի բարձրահասակ էր ոչ միայն իր բոլոր հասակակիցներից, այլև ուսուցիչներից։ Շատ դասընկերներ, ովքեր այդ ժամանակ նրանից 1-2 գլուխ ցածր էին, անընդհատ նրան անվանում էին «ընձուղտ», «Գուլիվերի աղջիկ» և «ծառ»։
Չնայած գերազանց մարզական մարզավիճակին (10 տարի ֆուտբոլում, 8 տարի՝ բասկետբոլում), նրան հեռացրել էին թիմից… չափազանց բարձր հասակի պատճառով։
Սակայն կոտրվելու փոխարեն՝ Հոլլին ընտրեց ուժեղ լինելու ճանապարհը։ Նա տեղափոխվեց Նյու Յորք՝ մի քաղաք, որտեղ կարելի է լինել ինքդ քեզ։ «Այստեղ ավելի հեշտ է շնչել,– ասում է նա։– Մարդիկ ավելի հավատարիմ են, բարի և ավելի պարզ են վերաբերվում անհատականությանը»։
Այսօր Հոլլին հաջողակ մոդել և ուսանողուհի է։ Նա ընդամենը 20 տարեկան է, բայց արդեն մտել է Գինեսի ռեկորդների գիրք։ Նրա ոտքերի երկարությունը 125,7 սմ է։ Ընդհանուր հասակը երկու մետրից ավելի է։ Եվ նա հաճույքով կրում է բարձր կրունկներով կոշիկներ։
Հոլլին վիրավորանք չի պահում իրեն ծաղրողների նկատմամբ և չի վախենում առանձնանալ։ Նա իր «առանձնահատկությունը» վերածել է այցեքարտի և ոգեշնչման աղբյուրի ուրիշների համար։
