Վերջերս սուպերմարկետում ինձ հետ մի շատ հետաքրքիր պատմություն պատահեց։ Հերթում կանգնած էի դրամարկղի մոտ, իսկ իմ հետևում մի տղամարդ էր։ Տեսքից վաղուց հիսունն անց էր, բայց բավականին համակրելի էր ու մարզված։ Ես միանգամից չհասկացա, որ նա ինձ ինչ-որ բան է ասում, քանի որ ականջակալներով երաժշտություն էի լսում։ Հանեցի ականջակալներից մեկը և կրկնեցի.
— Ի՞նչ։
— Միգուցե միաժամանակ իմ սուրճի համար էլ վճարե՞ք, — ժպիտով հարցրեց տղամարդը։
Ես հասկացա, որ նա պարզապես ինչ-որ մեկի հետ զրուցելու է մտադիր։
— Կարող եմ վճարել, եթե պետք է, — աջակցեցի ես այդ զրույցին։
— Լավ, պետք չէ։ Ես կարող եմ վճարել ձեր խնձորների համար, կարելի՞ է։
— Ոչ, դրա կարիքը չկա, բայց եթե խանութի քարտ ունեք, շատ շնորհակալ կլինեմ, — ասում եմ ես։
— Այդպիսի գեղեցկուհու համար ինձ ոչինչ պեսպետ չէ, — նորից կոկետորեն պատասխանեց տղամարդը։
Ես վճարեցի գնումներիս համար և գնացի տուն։ Ճանապարհին մտածում էի այս ամբողջ իրավիճակի մասին։ Ինչ-ինչ պատճառով տարիքով տղամարդիկ չափազանց հաճախ էին սկսել ինձ հետ ֆլիրտ անել։
Այո՛, ինձ նախկինում էլ էին հոգ տանում ինձանից մոտ 10 տարի մեծ տղամարդիկ, բայց այն ժամանակ ես քսանից մի փոքր ավելի էի։ Իսկ հիմա ես արդեն աղջիկ չեմ, բայց ոչ էլ ծեր, իսկ սիրահարներն ավելի ու ավելի են մոտենում թոշակի տարիքին։
Եվ այդ երեկո, ընկերուհիներիցս մեկը մեր ընկերական չաթում մի նորություն պատմեց, որը ինչ-որ տեղ կարդացել էր.
«40-ն անց կանայք գրեթե հնարավորություն չունեն իրենց համար գտնելու իրենց հասակակից տղամարդու։ Այդ ամենը պայմանավորված է նրանով, որ 40-ամյա տղամարդիկ նայում են 30-ամյա աղջիկներին, իսկ 50-ամյա տղամարդիկ՝ 40-ամյա կանանց։ Այս շղթան կարելի է շարունակել, բայց էությունն այդպես էլ պարզ է»։
Ընկերուհիս՝ Սվետան, մեզ մոտ հոգեբան է սովորում, այդ իսկ պատճառով նմանատիպ հոդվածներ ու նորություններ է կարդում, իսկ մեզ պատմում է միայն ամենահետաքրքիր պահերը։ Ահա այսպես նա մեզ համար բացահայտեց ժամանակակից աշխարհի նորությունը, որ հասուն տղամարդիկ չեն նայում իրենց հասակակիցներին, այլ ավելի երիտասարդներին են փնտրում։
Մեր չաթում չորս ընկերուհի ենք։ Երկուսս ամուսնացել ենք համադասարանցիների հետ, իսկ երկուսիս ամուսինները մի քանի տարով փոքր են։
Մենք բոլորս մոտավորապես նույն տարիքի ենք, և մեր ամուսինները հիմնականում հասակակիցներ են։ Բայց ի՞նչպես է ստացվում, որ եթե մենք ամուսնալուծվենք, նրանք իրենց համար նոր կանանց կփնտրեն 30-ամյա կատեգորիայից։ Իսկ մեզ համար կմնա՞ն միայն 50-ն անց տղամարդիկ։ Դժվար է դա գիտակցել, քանի որ նեղացնող է դառնում։ Չէ՞ որ մենք դեռ ծեր չենք։
Ի դեպ, ընկերուհիներս նախկինում էլ էին նշում, որ իրենց հետ ֆլիրտ են անում մեծահասակ տղամարդիկ՝ աշխատավայրում, հասարակական տրանսպորտում կամ այլ վայրերում։
