Թռիչքի ժամանակ մի հայր 45 րոպե շարունակ իր ձեռքը պահել է դստեր գլխի տակ՝ ապահովելով նրա հարմարավետ քունը։ Այս արարքը բուռն քննարկումների տեղիք է տվել սոցիալական ցանցերում, ինչպես հաղորդում է Unilad-ը։
Reddit-ի օգտատեր therra123-ը կիսվել է ինքնաթիռի սրահից արված լուսանկարով։ Կադրում երևում է քնած աղջիկը, իսկ նրա հայրը, ով նստած է հետևի շարքում, մեկնել է իր ձեռքը, որպեսզի աղջիկն ավելի հարմարավետ քնի։ Պարզ է, որ տղամարդը խիստ առաջ է թեքվել և ձգել իր ձեռքը։ Լուսանկարի մեկնաբանության մեջ ասվում է. «Նա ձեռքը այս դիրքում պահել է 45 րոպե, որպեսզի իր դուստրը կարողանա հանգիստ քնել»։
Շատ օգտատերեր չեն կարողացել զսպել իրենց և արտահայտել են իրենց կարծիքը հոր այս քնքուշ, բայց ոչ տրամաբանական ժեստի վերաբերյալ։ Գրառումը արագորեն տարածվել է՝ հավաքելով հազարավոր մեկնաբանություններ։
Օգտատերերից մեկը գրել է. «Կարծում եմ… կա ավելի լավ լուծում»։ Մեկ ուրիշն ավելացրել է. «Սրբիչ չունեի՞ք։ Դա ամենակարևոր բանն է, որ պետք է վերցնել ճանապարհորդության ժամանակ»։ Եվս մեկ տղամարդ կարծիք է հայտնել. «Խնդիրների լուծման ստեղծագործական մոտեցման ակնհայտ բացակայություն»։ Մեկ այլ օգտատեր մեկնաբանել է. «Լուրջ ե՞ք։ Փաթաթեք կապյուշոնով բաճկոնը։ Կամ ահա ևս մի գաղափար՝ խնդրեք ստյուարդեսայից վերմակ և բարձ»։
Սակայն գտնվել են նաև մեկնաբաններ, ովքեր պաշտպանել են հորը՝ նշելով. «Երբ որդիս քնում է՝ երեսը իմ ձեռքին հենած, ես բառացիորեն հալվում եմ ներսից և կարող եմ ժամերով նայել նրան»։
