Շատերը նախընտրում են ձկնեղենի փոխարեն մսամթերք օգտագործել։ Մարդիկ իրենց՝ մսի նկատմամբ սերը հիմնավորում են նրանով, որ ձկան ֆիլեի մեջ օգուտ չեն տեսնում։ Սակայն չի կարելի ասել, որ ձուկն այն մթերքը չէ, որը մարդու համար արժեքավոր չէ։
Օրինակ, մինտայի մեջ մեծ քանակությամբ յոդ է պարունակվում։ Մարդկանց համար յոդը կարևոր է, քանի որ այն ձևավորում է վահանաձև գեղձը։ Նաև մինտայի մեջ կան բաղադրիչներ, որոնք պատասխանատու են արյան մեջ գլյուկոզայի մակարդակը իջեցնելու համար։
Այսինքն, մինտայը պետք է ուտել շաբաթը գոնե մեկ անգամ։
Պատմենք թխած մինտայի մասին՝ սոուսով։
Բաղադրիչներ թխած մինտայի համար․
Մինտայ – 2 հատ
Աղացած պղպեղ – մի պտղունց
Աղ – ½ թեյի գդալ
Բանջարեղենային համեմունք
Ձկան համեմունք
Սոխ – 3 հատ
Սննդի սոդա – 1/3 թեյի գդալ
Կարտոֆիլ – 4 հատ
Ձու – 4 հատ
Սխտոր – 3 պճեղ
Պապրիկա
Չոր սխտոր
Պանրային չորահաց (պանիր)
Պարմեզան
Թխած մինտայի պատրաստումը․
Ձուկը մաքրում ենք ներքին օրգաններից, սև թաղանթից, հեռացնում ենք լողակները, խռիկները և գլուխը։ Մինտայի յուրաքանչյուր ֆիլե բաժանում ենք 3 մեծ կտորի։
Ֆիլեն համեմում ենք աղով, աղացած պղպեղով, բանջարեղենային համեմունքով և ձկան համեմունքով՝ ըստ ճաշակի։ Ֆիլեն յուղում ենք բուսայուղով, խառնում համեմունքները մսի հետ և թողնում 30 րոպե։
Տապակելու թավան յուղում ենք բուսայուղով, վրան հալեցնում ենք կարագը։ Սոխը մանր խորանարդիկներով կտրատում ենք, դնում թավայի մեջ։
Սոխը տապակում ենք մինչև փափկելը և թեթև ոսկեգույն երանգ ստանալը, ավելացնում ենք սննդի սոդան։ Սոխի շերտի վրա դնում ենք մարինացված ֆիլեն։
Ձուկը շոգեխաշում ենք 15-20 րոպե՝ կափարիչի տակ, ցածր կրակով։
Կարտոֆիլը բաժանում ենք խոշոր ձողիկների, եփում ենք մինչև եռալը։ Ցածր կրակով 5 րոպե եփում ենք կափարիչի տակ։
Նշված ժամանակից հետո ֆիլեն շրջում ենք մյուս կողմի վրա։ Ցանկության դեպքում ֆիլեին ավելացնում ենք կիսած չերրի լոլիկներ։
Սխտորի պճեղները մամլիչով անցկացնում ենք, ավելացնում ենք ձկանը։
Առանձին ամանի մեջ ձվերը հարում ենք, լցնում ենք տապակած ֆիլեի հետ թավայի մեջ։ Մինտայը ծածկում ենք կափարիչով, նմանապես եփում 15-20 րոպե։
Կարտոֆիլը դնում ենք առանձին ամանի մեջ, համեմում աղով, չոր սխտորով և պապրիկայով, ավելացնում բուսայուղ և խառնում։ Ավելացնում ենք նաև պանրային չորահացը, դնում ենք թավայի մեջ՝ մագաղաթյա թղթի վրա։
Պարմեզանը քերում ենք, ցանում կարտոֆիլի ձողիկների վրա։
Կարտոֆիլը թխում ենք 200 աստիճան ջերմաստիճանում 10-15 րոպե։
