Ելակը հիանալի բաղադրիչ է տարբեր աղանդերների և ձմեռային պաշարների համար։ Այսօր ցանկանում եմ կիսվել ձեզ հետ ելակի մուրաբայի բաղադրատոմսով, որը ստացվում է շատ թափանցիկ, իսկ հատապտուղները մնում են ամբողջական և պահպանում իրենց վառ գույնը։ Այս պաշարը հաստատ դուր կգա ձեր ընտանիքի յուրաքանչյուր անդամին։
Բաղադրիչներ:
ելակ – 1 կգ
շաքարավազ – 1 կգ
ջուր – 2 ճ. գ.
կիտրոնաթթու – 1/3 թ. գ.
Պատրաստում:
Մուրաբայի համար կհարմարի տարբեր չափսի ելակը։
Վերցնում եմ մեծ կաթսա կամ խորը թավա, մեջը մի փոքր ջուր լցնում՝ որպեսզի ելակը չայրվի։ Լցնում եմ հատապտուղները և եփում միջին կրակի վրա 5-8 րոպե՝ ժամանակ առ ժամանակ խառնելով։ Եփելու ընթացքում ելակը մի փոքր կփափկի և հյութ կարձակի։
Ավելացնում եմ կիտրոնաթթու. սա ցանկությամբ է, բայց ես նախընտրում եմ այն օգտագործել համի հավասարակշռության և մուրաբայի վառ գույնը պահպանելու համար։ Բացի այդ, կիտրոնաթթվի շնորհիվ մուրաբան չի շաքարանում։
Մանրակրկիտ լուծում եմ կիտրոնաթթուն, ավելացնում շաքարավազը և լավ խառնում։ Դրանից հետո խառնուրդը հասցնում եռման աստիճանի և եփում ևս հինգ րոպե՝ պարբերաբար հավաքելով փրփուրը։
Պատրաստի մուրաբան լցնում եմ նախապես ստերիլիզացված բանկաների մեջ։ Ստերիլիզացման համար օգտագործում եմ ջեռոցը. բանկաները և կափարիչները դասավորում եմ ցանցի վրա, դնում դրանք սառը ջեռոցում, փակում դուռը և միացնում ջեռուցումը մինչև 150 աստիճան։ Կես լիտր և 700 գրամ ծավալով բանկաները ստերիլիզացնում եմ ուղիղ 10 րոպե։ Ժամանակի ավարտից հետո զգուշորեն հանում եմ բանկաները։
Մուրաբան լցնելուց հետո ամուր փակում եմ կափարիչները և բանկաները թողնում սեղանին սենյակային ջերմաստիճանում սառչելու։
Լիովին սառչելուց հետո մուրաբան պահում եմ սառնարանում։
Այս բաղադրատոմսը հարմար է ցանկացած հատապտղի և մրգի մուրաբա պատրաստելու համար, և այն միշտ աներևակշիռ համեղ է ստացվում։
