Այս կինն իսկական ռեկորդակիր է. նա միաժամանակ 9 երեխա է լույս աշխարհ բերել։ Մեկ անգամից նա ունեցել է 5 դուստր և 4 որդի։ Երեխաները ծնվել են ժամկետից շուտ և կշռել մոտ 500 գրամ։ Սակայն բժիշկների ջանքերի շնորհիվ բոլոր փոքրիկները փրկվել են։ Հիմա նրանք արդեն 4 տարեկան են։
Այս հոդվածում կարող եք տեսնել նրանց վերջին լուսանկարները։ Նրանք շատ սրամիտ ու զվարճալի են, ինչպես նաև անսահման նման իրենց ծնողներին։
Անսպասելի հղիություն և ռեկորդային ծնունդ
Հալիմա Սիսեն չէր կարողանում հավատալ իր ականջներին, երբ իմացավ հղիության մասին։ Սկզբում նա ընդհանրապես չէր կարողանում երեխա բեղմնավորել, իսկ հետո բժիշկներն ասացին, որ նա եռյակ է ունենալու։ Հաջորդ ուլտրաձայնային հետազոտության ժամանակ բժիշկները հայտնաբերեցին արդեն 5 երեխա։
Պատկերացնու՞մ եք, թե ինչպես բոլորը զարմացան, երբ նա 9 փոքրիկ լույս աշխարհ բերեց։ Ցնցված էին թե՛ ծննդկանը, թե՛ ողջ բժշկական անձնակազմը։ Ծնունդները սկսվեցին հղիության 30-րդ շաբաթում։ Փոքրիկներն ունեին տարբեր քաշ՝ 500-ից մինչև 1000 գրամ։ Նրանք բառացիորեն տեղավորվում էին մեկ ձեռքի ափի մեջ։
Ծնվելուց հետո բոլոր երեխաները տեղափոխվեցին ինտենսիվ թերապիայի բաժանմունք։ Փորձառու բժիշկներն ու բուժքույրերը շուրջօրյա հսկում էին նրանց, որպեսզի երեխաները փրկվեն։
Փոքրիկներին կերակրում էին յուրաքանչյուր 2-3 ժամը մեկ։ Նրանց անընդհատ զննում էին և վերլուծում առողջության դինամիկան։ Օրական նրանց համար անհրաժեշտ էր մոտ 100 տակդիր և 6 լիտր հատուկ խառնուրդ։
Փոքրիկները շատ դանդաղ էին քաշ հավաքում, ուստի կյանքի առաջին ամիսներն անցկացրին ինկուբատորում։ Ոչ ոք որևէ կանխատեսում չէր տալիս, բայց բոլորը փրկվեցին։ Եվ հիմա այս աղջիկներն ու տղաները բոլորովին չեն տարբերվում իրենց հասակակիցներից՝ ամուր, առողջ և կենսուրախ։
Սիսեների ընտանիքն այդ ժամանակվանից բոլորի շուրթերին է, քանի որ մինչ այդ ոչ մի կին նման քանակությամբ երեխաներ չէր ունեցել՝ հաշվի առնելով, որ բոլորը ողջ են և առողջ։ Սա թե՛ Հալիմայի, թե՛ բժիշկների ձեռքբերումն է, ովքեր փրկել են փոքրիկներին։
Իրենց 4-րդ տարեդարձը երեխաները շքեղությամբ նշեցին Բամակոյի հյուրանոցում։ Հյուրերն անհամբեր սպասում էին ծննդյան տոնի հերոսների հայտնվելուն։ Երբ զարդարված աղջիկներն ու դասական կոստյումներով տղաները մտան սենյակ, բոլորի աչքերը լցվեցին երջանկության արցունքներով։
