Հարավային Կալիֆոռնիայի համալսարանի հետազոտողները պարզեցին, որ 3 օր քաղցած մնալը բավարար է առողջ կենսակերպի համար մարդու ամբողջ իմունային համակարգի վերականգնման համար:
Շատ դիետելոգներ քննադատում են քաղցած մնալով դիետան, բայց նշված ուսումնասիրության համաձայն՝ քաղցած մնալը հիմնականում խթանում է նոր լեյկոցիտների արտադրությունը, որոնք պայքարում են վարակների դեմ:
Ըստ հետազոտողների՝ այս բացահայտումը կարող է օգտակար լինել ցածր իմունային համակարգ ունեցողների, օրինակ՝ քաղցկեղով հիվանդների համար քիմիաթերապիայի դեպքում:
Մեծանալուն զուգընթաց մարդկանց իմունային համակարգը թուլանում է, ինչը դժվարացնում է պայքարը տարածված հիվանդությունների դեմ:
Այս ուսումնասիրության համաձայն՝ քաղցած մնալը տարեց մարդկանց օգնում է վերականգնել իմունային համակարգը:
3 օր քաղցած մնալը նաև քաղցկեղով հիվանդներին պաշտպանում է քիմիաթերապիայի թունավոր ազդեցությունից՝ մեղմելով դրա որոշ բացասական հետևանքներ:
Ըստ հետազոտողների՝ քաղցած մնալը «շրջում է վերականգնող անջատիչը», որը ցողունային բջիջներին ստիպում է արյան նոր սպիտակ բջիջներ ստեղծել, որոնք, իրենց հերթին, վերականգնում են ամողջ իմունային համակարգը:
Ուսումնասիրության սկզբնական փուլում որոշ մասնակիցների խնդրեցին պարբերաբար քաղցած մնալ 2-4 օր 6 ամիս:
Հետազոտողները եզրակացրին, որ քաղցած մնալը նրանց օգնեց ինչպես նոր իմունային համակարգ ստեղծել, այնպես էլ՝ նվազեցնել PKA ֆերմենտը՝ հորմոն, որը մեծացնում է ուռուցքի և քաղցկեղի աճի ռիսկը:
Հետազոտության համաձայն՝ երկար ժամանակ քաղցած մնալը ոչ միայն օրգանիզմին ստիպում է օգտագործել պահեստային ճարպը և գլյուկոզան, այլև ոչնչացնում է լեյկոցիտները, ինչի արդյունքում ցողունային բջիջների հիման վրա վերականգնում է տեղի ունենում:
