Եթե մենք ցանկանում ենք առանց հիվանդությունների երկար կյանք ապրել, ապա պետք է տեղյակ լինենք գիտական վերջին հետազոտություններից։
Քանի որ այդ հետազոտություններից շատերի արդյունքները կարող են արմատապես փոխել առողջության մասին մեր պատկերացումները։
Որդանման ելունի հեռացումը կարող է դառնալ Պարկինսոնի հիվանդության պատճառ
Քլիվլենդի համալսարանի գիտնականներն ուսումնասիրել են ազգային բժշկական տվյալների բազան, որը պարունակում է շուրջ 62.2 միլիոն մարդու տվյալներ։
Պարզվել է, որ որդանման ելուն հեռացրած մարդկանց մոտ Պարկինսոնի հիվանդությունը 3 անգամ ավելի շատ է հանդիպում։
Մասնագետները դեռևս չգտեն, թե ինչ կապ կա այս հիվնդության և որդանման ելունի միջև, սակայն ակնհայտ է, որ այս երկու հիվանդությունների մեջ ինչ-որ բան կա։
Լուսային դիոդների կապույտ գույնը վտանգավոր է առողջության համար
Ֆրանսիայի Սննդամթերքի անվտանգության վերահսկման ազգային ծառայությունը պարզել է, որ լուսային դիոդների և գաջեթների կապույտ լույսը բացասական ազդեցություն է ունենում առողջության վրա։
Մասնավորապես այն խաթարում է մարդու ցիրկադային ռիթմը, ինչպես նաև բացասաբար է ազդում ակնաբյուրեղի վրա։
Այն վտանգավոր է հատկապես երեխաների համար, քանի որ նրանց ակնաբյուրեղը դեռևս ամբողջովին ձևավորված չէ։
Մարզվելու ամենից արդյունավետ ժամանակահատվածն առավոտյան է
Վերջերս Կալիֆորնիայի համալսարանի մասնագետները փորձերի միջոցով ապացուցել են, որ սպորտով զբաղվելն ավելի արդյունավետ է, եթե այն անց է կացվում առավոտյան։
Պարզվում է, որ առավոտյան բջիջներն ավելի շատ թթվածին են կլանում, որի շնորհիվ օրգանիզմում ավելի ակտիվորեն է աշխատում նյութափոխանակության գործընթացը։
Այսինքն առավոտյան ֆիզիկական ակտիվությունն ավելի լավ է ազդում նյութափոխանակության վրա։
