Ինձնից ավելի քան 20 տարի պահանջվեց՝ հասկանալու համար, որ ես ուրիշներին չափազանց մեծ իշխանություն եմ տվել ինձ վրա…
Ինձնից ավելի քան 20 տարի պահանջվեց՝ հասկանալու համար, որ ես ուրիշներին չափազանց մեծ իշխանություն եմ տվել ինձ վրա, նույնիսկ ավելին, քան ես տվել եմ ինքս ինձ: Եվ ինձնից ավելի քան 20 տարի պահանջվեց՝ հասկանալու համար, որ ես ինքս եմ մեղավոր դրա համար։ Ես ինձ թույլ տվեցի իշխել ինձ և իմ մտքի վրա: Ես թույլ եմ տալիս, որ ինձ շրջապատող ձայներն ազդեն իմ մտքերի վրա։
Դուք պետք է կարողանաք կառավարել ինքներդ ձեզ, որպեսզի աչք փակեք ուրիշների կարծիքների և մշտական խորհուրդների վրա, հատկապես, եթե այս մարդիկ ավելի մեծ են, ավելի մեծ փորձ ունեն, եթե նրանք կարողացել են հասնել մեծ հաջողությունների, և եթե նրանք այն մարդիկ են, ում դուք սիրում եք։ Բայց ես գտա մի հետաքրքիր օրինաչափություն. երբ ես քաջություն էի ունենում անել ամեն ինչ իմ ձևով, ես ավելի մեծ հաջողությունների էի հասնում. ես ավելի երջանիկ էի դառնում և զգում էի, որ ներդաշնակ եմ ինքս ինձ և նրա հետ, ինչ անում էի:
Քեզնից բացի ոչ մի այլ մարդ իսկապես չի հասկանում, թե ինչն է քեզ դրդում, ինչի ես ընդունակ և ինչի ես ուզում հասնել կյանքում:
Եվ եթե չդադարեք տալ ձեր իշխանությունը շրջապատողներին, նրանք ի վերջո կդառնան ձեր ամենամեծ խոչընդոտը: Եվ հիմա վստահաբար կարող եմ ասել, որ ինչքան իշխանություն ես տալիս մարդկանց, այնքան նրանք քեզ ճնշում են։
Ես սկսեցի վախենալ աշխարհում ամեն ինչից, աստիճանաբար կորցրի ինքս ինձ և վերածվեցի այն մարդուն, ում ցանկանում էին տեսնել իմ մեջ, այն, ինչ նրանք կարծում էին, որ ես պետք է լինեմ: Ես չէի ուզում պարտվել և հիասթափեցնել նրանց, այդ իսկ պատճառով ամեն ինչ արեցի նրանց սպասելիքներն արդարացնելու համար։ Եվ, իհարկե, չափն անցնել՝ իրենց հավանությունը չկորցնելու համար։
Այս ամենը շարունակվեց այնքան ժամանակ, մինչև ես հասկացա, որ ամենավատ բանը, որ կարող է պատահել, ինքս ինձ կորցնելն է:
Չկա ավելի վատ բան, քան զգալը, թե խրված ես կյանքում, որը չես ընտրել:
Բայց գիտեք ինչ, իրականում դուք միշտ ունեք ընտրություն՝ ձեր մեկ որոշումը, և դուք կփոխեք ձեր կյանքը, ինքներդ ձեզ և կսկսեք ամեն ինչ նորից: Այո՛, այս ամենը դուք կարող եք անել՝ մարդ, ով համակված է ուրիշների խորհուրդներով, վարքագծի պարտադրված մշակույթով, ընտանիքի անդամների կամ ձեր հասակակիցների կողմից։ Մարդ, ով փորձում է փախչել խեղդող կոկոնից և մաքուր օդ շնչել:
Չկա ավելի գեղեցիկ բան, քան իմանալը, որ դու քո իսկ որոշմամբ կարողացար քեզ համար ստեղծել այն կյանքը, որով ուզում ես ապրել:
Ամեն օր որոշում ես անտեսել ևս մեկ խորհրդատուի, ևս մեկ ռիսկի դիմել, ևս մեկ անգամ հավատալ ինչ-որ մեկին կամ ինչ-որ բանի: Ամեն օր դու որոշում ես ընտրել ինքդ քեզ, չնայած այն հանգամանքին, որ դրանով շրջապատումդ մի քանի մարդկանց հիասթափություն կզգացնես:
Ամեն օր դուք ընտրում եք թոթափել այն, ինչ ուրիշները սովորեցրել են ձեզ և դառնալ այնպիսին, ինչպիսին դուք իսկապես ցանկանում եք լինել, քանի որ այդպես եք զարգանում և աճում որպես մարդ: Դուք աստիճանաբար վերականգնում եք ձեր ուժերը և վերահսկում ձեր կյանքը, քանի որ ոտքի կանգնելու և ինքներդ դուք լինելու ձեր իսկական ցանկությունը հայտարարելու վճռականությունը, չնայած ձախողման վախին, անպայման կպարգևատրվի ամենաարժանավոր ձևով: Սա թույլ կտա ձեզ գտնել կիրք և իմաստ ձեր կյանքում:
Կյանքում ամենատհաճ սխալները տեղի են ունենում այն պատճառով, որ դու ինքդ քո իշխանությունը տալիս ես ուրիշներին, իսկ ամենագեղեցիկ բաները տեղի են ունենում այն բանից հետո, երբ դու վերադարձնում ես այդ ուժը քեզ:
Որովհետև դու ծնվել ես ոչ թե ուղևորի դերով բավարարվելու, այլ ինքդ մեքենա վարելու համար:
