Դուք եք վերահսկում ձեր տրամադրությունը, այլ ոչ թե այն։
Չկա ավելի վատ բան, քան վատ տրամադրություն ունենալը, որը ձնաբքի պես փչում է ձեզ վրա՝ կարևոր հանդիպումից անմիջապես առաջ կամ նույնիսկ շաբաթավերջին, երբ դուք պետք է վայելեք ձեր ազատ ժամանակը:
Ամենավատ բանը, որ դուք կարող եք անել այս պահին, դա անօգնական զգալն է և պարզապես սկսել սպասել, որ այս հարձակումն ինքն իրեն կանցնի:
Ահա մի քանի գիտության վրա հիմնված մեթոդներ հինգ րոպեում կամ ավելի քիչ ժամանակում վատ տրամադրությունից ազատվելու համար.
1. Զբոսանք մաքուր օդում
Մի թերագնահատեք բնության ուժն ու ֆիզիկական ակտիվությունը: 2005 թվականին կատարված ուսումնասիրությունը ցույց է տվել, որ բնության գրկում քայլելը կարող է ձեզ ավելի երջանիկ և ավելի քիչ արտացոլող դարձնել: Այս փորձին մասնակցել է 60 մարդ, որոնցից առաջին խմբին ուղարկել են 50 րոպե տեւողությամբ զբոսանքի քաղաքից դուրս (դեպի կաղնու անտառ), իսկ մասնակիցների երկրորդ խմբին թողել են քայլել քաղաքի աղմկոտ մայրուղով։
Զբոսանքից հետո հետազոտողները պարզել են, որ նրանք, ովքեր բնության մեջ են, ավելի քիչ անհանգստություն և դրական հույզերի ավելի բարձր մակարդակ են ունեցել՝ համեմատած քաղաքում մնացածների հետ:
Բայց դա ամենևին չի նշանակում, որ վատ տրամադրությունը հաղթահարելու համար հարկավոր է դուրս գալ խուլ տեղ և կես օր քայլել։ Դուք կարող եք դրական էֆեկտի հասնել նույնիսկ մոտակա այգում հինգ րոպե քայլելուց հետո:
Մեկ այլ հետազոտություն ցույց է տվել, որ քայլելը, նույնիսկ կարճ ժամանակահատվածում, դրական էմոցիաներ է առաջացնում:
«Քայլելը, անշուշտ, կբերի դրական էներգիայի մակարդակի բարձրացման: Եվ դա տեղի կունենա, անկախ նրանից, դուք սպասում եք դրան, թե ոչ», – ասում է հոգեբանության առաջատար հետազոտող, պրոֆեսոր Ջեֆ Միլլերը:
2. Մեդիտացիա
Եթե դուք ժամանակ եք հատկացնում՝ ստուգելու ձեր հեռախոսը յուրաքանչյուր կես ժամը մեկ, ապա, անշուշտ, կարող եք ձեզ թույլ տալ օրական առնվազն մի քանի րոպե՝ հանգիստ նստելու և խորհրդածելու համար:
Մի շարք հետազոտություններ ցույց են տվել, որ մեդիտացիան կարող է վերածրագրավորել ձեր ուղեղը դրական ձևերով, ինչպիսիք են սթրեսի նվազեցումը և արտադրողականության բարձրացումը: Այն նաև խրախուսում է ձեզ կենտրոնանալ ներկայի վրա, այլ ոչ թե ձեր էներգիան վատնել անցյալի կամ ապագայի մասին անհանգստանալու վրա:
Հետազոտողները նաև ապացուցել են, որ մեդիտացիայի առավելությունները մնում են ձեզ հետ նույնիսկ այն բանից հետո, երբ դուք դադարում եք զբաղվել դրանով։
Մեդիտացիան կարող է լինել շատ պարզ՝ փակեք ձեր աչքերը և լսեք ձեր շունչը՝ կենտրոնանալով այն բանի վրա, թե ինչպես եք դանդաղ ներշնչում և արտաշնչում: Եթե ձեր միտքը նորից սկսում է թափառել, հանգստացրեք այն՝ նրբորեն ուշադրություն դարձնելով ձեր շնչառությանը:
Դարձրեք մեդիտացիան ձեր առօրյայի մի մասը, անեք դա, երբ վեր կենաք անկողնուց, ճանապարհի ընթացքում կամ ճաշի ընդմիջման ժամանակ, այ ն վատ տրամադրության դեմ պայքարելու հիանալի միջոց է:
3. Օգնեք այլ մարդկանց
Երբ դուք ապրում եք էմոցիոնալ անկում, այլ մարդկանց հետ շփվելը կարող է լինել վերջին բանը, որ ցանկանում եք: Սակայն հետազոտությունները ցույց են տալիս, որ երբ դուք օգնում եք ուրիշներին, դուք ավտոմատ կերպով դրական հույզեր եք ապրում:
Nature Communications գիտական ամսագրում հրապարակված ուսումնասիրությունը պարզել է առատաձեռնության և երջանկության միջև ամուր կապ: Հետազոտողները մասնակիցներին բաժանել են երկու խմբի՝ առաջինը պետք է չորս շաբաթ ծախսեր ուրիշների վրա, իսկ երկրորդը՝ միայն իրենց վրա:
Համաձայն ուղեղի սկանավորման տվյալների՝ փորձից առաջ և հետո, նրանք, ովքեր գումար էին նվիրաբերում իրենց շրջապատող մարդկանց, իրենց շատ ավելի երջանիկ էին զգում, քան նրանք, ովքեր գումար էին ծախսում միայն իրենց կարիքների համար:
Դուք կարող եք առատաձեռնություն ցուցաբերել՝ բարեգործությանը գումար նվիրաբերելով: Այնուամենայնիվ, նույնիսկ փոքր բարության դրսևորումները (զիջեք ձեր տեղը ավտոբուսում, պայուսակ տանեք տարեց կնոջը կամ օգնեք գործընկերոջը որևէ նախագծում) կարող է փոխել ձեր տրամադրությունը դեպի լավը:
