Ներկայացնում ենք 32-ամյա չինացի Ջեսիին, ով իր ամբողջ ընտանիքին համոզեց նիհարել միասին:
Ջեսին պրոֆեսիոնալ լուսանկարիչ է, իր լուսանկարներում պատկերեց ընտանիքի փոփոխվելու ամբողջ պատմությունը:
Ամեն ինչ սկսվեց, երբ Ջեսիի կինը հղի էր: Այդ մասին իմանալով՝ տղամարդու մայրը տեղափոխվեց ամուսինների տուն՝ երիտասարդ կնոջը նորածնի հարցում օգնելու:
Օգտվելով իրավիճակից՝ լուսանկարիչը հորն էլ հրավիրեց իր տուն: Այդպես երիտասարդը հույս ուներ ամրապնդել ընտանիքի անդամների փոխհարաբերությունները:
Ընտանիքի հայրը չէր կարող պարծենալ նախանձելի առողջությամբ: Նա շատ էր սիրում գարեջուր, ինչը չարաշահելով՝ գիրացել էր:
Լուսանկարիչը վաղուց մտածում էր, որ բավական գիրացել է և ուզում էր նախկին կազմվածքը վերադարձնել:
Նա պետք է համոզեր ամբողջ ընտանիքին, որ միասին նիհարեին: Նրան աջակցեցին մայրը, կինը, հայրը:
Ընտանիքը սպորտային քայլքից սկսեց: Ավելի ուշ միասին սպորտդահլիճում գրանցվեցին:
Ընտանիքը ջանք չէր խնայում նիհարելու համար: Ծննդաբերությունից կարճ ժամանակ անց նրանց միացավ Ջեսիի կինը:
Կես տարում ջանքերն արդյունք տվեցին: Ջեսիի լուսանկարները նայելով՝ դժվար է հավատալ, որ «առաջ» և «հետո» կադրերի միջև տարբերությունը 6 ամիս է:
Հիմա ընտանիքը մտադիր է չբավարարվել ձեռք բերածով, պատրաստվում է նույն ոգով շարունակել:
