Աղջիկներ, գրազ եմ գալիս, որ դուք նույնիսկ դրանց կեսի մասին չգիտեք, թեև հաճախ եք այդպես անում։
Բոլոր աղջիկները շատ տարբեր են: Տղաները սիրում են նրանց ինչ-որ համ ու հոտի, ուրիշների հետ ոչ նմանության, ժպիտի, ծիծաղի, հոգեհարազատ հայացքի համար…Կան շատ գրավիչ հատկություններ, և յուրաքանչյուրը փնտրում է այն, ինչն իր համար ամենաթանկն է: Բայց կան, առաջին հայացքից, բոլորովին սովորական բաներ, որոնք բացարձակապես բոլոր տղաներն են պաշտում առանց բացառության: Իսկ աղջիկները նույնիսկ չգիտեն այդ մասին։ Որովհետև եթե իմանային, դա կանեին հնարավորինս հաճախ։
Այսպիսով, բոլոր տղամարդիկ սիրում են, երբ աղջիկներն անում են հետևյալը։
1. Գլուխը դնում է տղայի կրծքին
Դուք չեք կարող պատկերացնել, սիրելի աղջիկներ, թե որքան ենք մենք սիրում դա։ Ծանր աշխատանքային օրվանից հետո աշխատանքից վերադառնալը, պառկել բազմոցին և զգալ, թե ինչպես է հարազատ ու սիրելի մեկը գլուխը դնում ձեր կրծքին և գրկում ձեզ: Սա անմոռանալի զգացմունք է: Նման պահերին դու քեզ պաշտպան ու գրեթե սուպերհերոս ես զգում, քանի որ աղջիկը հանգիստ է, ինչը նշանակում է, որ նա մեզ մոտ ապահով է զգում:
2. Նա առաջինն է գրում հաղորդագրություններ
Մանկուց տղաների գլուխը բառացիորեն մտցնում են, որ իրենք պետք է լինեն հարաբերություններում նախաձեռնողը, այլապես տղամարդ չեն և այլն։ Խնդիր չկա, մենք ուրախ ենք դա անել, բայց կա մի կետ. հաճախ մենք դժվարությամբ ենք կռահում, թե արդյո՞ք շատ ինքնավստահ կամ աներես չենք: Հետևաբար, ընկնում ենք ծայրահեղությունների մեջ։ Կամ ռմբակոծում ենք աղջկան հարյուրավոր հաղորդագրություններով, կամ ընդհանրապես չենք գրում նրան չվախեցնելու համար:
Սիրելի աղջիկներ, տղաները, ինչպես դուք, պետք է զգան, որ իրենց սիրում են, որ մտածում և հիշում են: Հետևաբար, եթե առավոտյան կարճ հաղորդագրություն ուղարկեք ձեր ընկերոջը, դա կլուսավորի նրա օրը և հնարավոր է, որ դա հիանալի նախերգանք լինի երեկոյան ժամադրության համար:
3. Ասում է, թե որքան է գնահատում նրան
Ոչ բոլոր աղջիկներն են նույնը։ Ոմանք ավելի քնքուշ ու նուրբ են, մյուսներն ավելի զուսպ կամ ամաչկոտ են:
Ոչ մի վատ բան չկա։ Ի վերջո, նրանք քեզ հենց այդպիսին են սիրել։ Պարզապես հիշեք, որ եթե տղամարդը ջանում է և աշխատում է հարաբերությունների վրա (ինչը մեզանից յուրաքանչյուրը պետք է անի), ապա նա դեռ ակնկալում է լսել, որ դուք դա նկատում և գնահատում եք: Հավատացեք, մեզանից ոչ ոք երբեք չի բողոքի, որ շատ հաճախ եք գովում դրա համար։ Սա այն դեպքն է, երբ կարագով շիլան չես կարող փչացնել։
Ձեզ կարող է թվալ, որ տղան արդեն հասկանում է, որ դուք գնահատում եք իրեն՝ ուրախ ժպիտով, նուրբ խոսքերով, սիրալիր գրկախառնություններով: Իսկ այստեղ դուք սխալվում եք։ Գրեթե բոլորս կարիք ունենք, որ դուք բարձրաձայն ասեք դա։ Սա չափազանց հաճելի է, այնպես որ ժլատ մի եղեք, կրկնեք դա մեզ համար, և որքան հնարավոր է հաճախ:
4. «Խաղում է» մազերի հետ, երբ տղան վարում է
Մի փոքր մանկամի՞տ և զվարճալի է հնչում: Համաձայն եմ։ Ես նույնպես այդպես էի մտածում, մինչև որ մի օր ընկերուհիս սկսեց դա անել, երբ մենք մեքենայով գնում էինք երեկույթի։ Դա… դա…շա՜տ լավ է:
Աղջիկներ, եթե մեքենայում նստած եք տղայի կողքին, առջևի նստատեղին (որովհետև եթե հետևի նստատեղին եք ավելի լավ է ուշադրությունը չշեղել ճանապարհից), ապա ձեռքը մեկնեք նրան և նրբորեն շոյեք նրա գլխի հետևը և մազերը։ Նա անմիջապես կսկսի ժպտալ։ Ստուգեք դա, այն միշտ աշխատում է: Մեկ նշում. խոսքը միայն մեկ շարժման մասին է, մի տարվեք, նա դեռ վարում է և պետք է հետևի ճանապարհին:
5. Ֆեյսբուքում պարծենում է (չափի մեջ) իր ընկերոջով
Այս հարցում, իհարկե, պետք է չափն իմանալ, քանի որ շատ աղջիկներ չափն անցնում են ու շատ։ Բայց, եթե դուք անկեղծորեն հավանում եք մի տղայի, իսկապես հպարտանում եք նրանով և հիանում նրանով, ապա ոչ մի վատ բան չի պատահի, երբ հրապարակեք համատեղ ընթրիքի լուսանկարը։ Բայց երբ տուն եք հասնում, այլ ոչ թե ռեստորանում (որովհետև նա ուղղակի թույլ չի տա քեզ):
Սա նշան կլինի, որ դուք հարգում եք նրան, գնահատում եք նրան, երախտապարտ եք և ցանկանում եք կիսել ձեր երջանկությունը ողջ աշխարհի հետ։ Կրկնում եմ՝ գլխավորը ոչ շատ հաճախ, քանի որ հակառակ արդյունքը կստանաս։ Այդ դեպքում, լավագույն դեպքում, ձեր ընկերը պարզապես կլռի:
6. Լսում է իրապես
Աղջիկները բոլորից լավ գիտեն, որ լսելն ավելին է, քան պարզապես նստելն ու գլուխը շարժել: Սա ամենևին էլ պասիվ զբաղմունք չէ, այլ ջանք և լիարժեք կենտրոնացում պահանջող գործողություն։ Երբեմն տղայի կյանքում ինչ-որ կարևոր բան է պատահում, նա ինչ-որ մեծ բան է մտահղացել և շարժվում է դեպի նպատակ, անհանգստանում է աշխատանքի համար կամ որևէ կերպ չի կարողանում որևէ կարևոր որոշում կայացնել, նման պահերին ոչ միայն պետք է ունկնդրել նրան, այլ լսել, հասկանալ, խորանալ։ Եվ ամենակարևորը՝ նա պետք է դա տեսնի և զգա։
Ուստի մի շեղվեք ու աչքի պոչով մի նայեք հեռախոսին, որքան էլ SMS ստանաք։ Նայեք նրա աչքերին և խոսեք այն մասին, թե ինչն է նրա համար այս պահին շատ կարևոր։ Նրա համար կարևոր է վստահ լինել, որ դուք միշտ կապի մեջ եք, միշտ աջակցում և օգնում եք (նույնիսկ եթե նա օգնության կամ աջակցության կարիք չունի, քանի որ ինքն է որոշել ամեն ինչ): Նրա համար կարևոր է զգա, որ մենակ չէ:
7. Հաղորդագրություն է ուղարկում նրան, երբ նա դուրս է գալիս ընկերների հետ
Չենք թաքցնի` կան ուղղակի անտանելի տղաներ, ովքեր բառացիորեն ամեն լույսի սյունի հանդեպ խանդում են իրենց աղջիկներին և թույլ չեն տալիս դուրս գալ ընկերների հետ, հատկապես երբ ընկերությունում տղաներ կան։ Մենք բոլորս լսել ենք նման սարսափ պատմություններ, և դա իսկապես հիմար է և զզվելի: Խոսքն այժմ այլ բանի մասին է. մենք պետք է ապահով զգանք հարաբերություններում: Այո, մենք վստահում ենք մեր ընկերուհուն և հարգում ենք նրա ազատության իրավունքը, բայց եթե գիշերը մի քանի անգամ գրեք մեզ ընդամենը մի քանի ջերմ քնքուշ հաղորդագրություններ, հիանալի կլինի:
Սիրելի աղջիկներ, եթե ձեր ընկերը բավականաչափ հասուն և ինքնաբավ է, որպեսզի թույլ տա ձեզ մենակ թեթև սրտով խնջույքի գնալ, մի մոռացեք գոնե ժամանակ առ ժամանակ գրել նրան։ Այո, դուք ուրախանում եք, և հնարավոր է, որ ամենևին էլ հաղորդագրության հավես չունեք, բայց, հավատացեք, դա նրան պարզապես պետք է։ Պարզապես պատկերացրեք, թե նա ինչպես կժպտա ձեր հաղորդագրությունը կարդալուց հետո։ Նրա համար սա նշան է, որ իրեն հիշում ու սիրում են, ինչը նշանակում է` անհանգստանալ։ Եվ խանդելու պատճառ էլ չկա։
8. Ցույց է տալիս քնքշություն
Պետք չէ բառացիորեն հարձակվել ընկերոջդ վրա հանրության առաջ, այլ փոքր բաներ, ինչպիսիք են ձեռքդ բռնելը և մեղմ սեղմելը, ուսերը թեթև գրկելը, երբ միասին հերթ եք կանգնում սուպերմարկետում, կամ պատահաբար խնջույքի ժամանակ ուսդ կպցնելը: Դրանք մեզ համար շատ հաճելի են: Դա օգնում է ձեզ մոտ զգալ, զգալ, որ մեզանով հպարտ եք:
Այս բոլոր, առաջին հայացքից, մանրուքները մեծ նշանակություն ունեն։ Տղամարդկանց, ի դեպ, շատ հեշտ է դուր գալ։ Ձեզ հարկավոր չէ որևէ բան հորինել կամ կատարելագործել, պարզապես շոյեք գլխի հետևի հատվածը, գլուխը դրեք կրծքին կամ հիշեցրեք, որ դուք գնահատում եք նրան: Ճիշտ է, աղջիկներ ջան։ Իսկ եթե բարձրաձայն ասեք, ուրեմն այդպես է։ Մենք իսկապես ցանկանում ենք, որ դուք երջանիկ լինեք և փորձում ենք առավելագույնը:
Հարաբերությունները երկկողմանի ճանապարհ են: Լավ նորությունն այն է, որ տղամարդուն պետք չեն ծաղկեփնջեր ու սերենադներ իր պատշգամբի տակ՝ իրեն երջանիկ դարձնելու համար։ Պարզապես առավոտյան մի փոքրիկ սիրային գրություն դրեք նրա գրպանը, որպեսզի նա պատահաբար գտնի այն ճաշի ժամանակ, կամ համբուրեք նրա այտը՝ միասին հեռուստացույց դիտելիս:
Ամեն ինչ շատ պարզ է։ Պարզապես սիրեք մեզ և խոսեք, ցույց տվեք, և մենք պարտքի տակ չենք մնա:
