Անմոլ Ռոդրիգեսը հասարակ հնդկական ընտանիքում ծնված ամենասովորական աղջիկ է։ Երբ երեխան շատ փոքր էր, նրա հետ ողբերգություն տեղի ունեցավ. Լինելով ոչ սթափ վիճակում՝ աղջկա հայրը նրա և մոր վրա լցրել է կաուստիկ նյութ։
Պետք է ասեմ, որ Հնդկաստանում սա ոչ ոքի համար զարմանալի չէ։ Տղամարդը կարող է վրեժխնդիր լինել կնոջից անհավատարմության համար նման սարսափելի ձևով։ Պատահում է նաև, որ մերժված ընտրյալը որոշում է «դաս տալ» աղջկան, ով հրաժարվել է իր հետ ամուսնանալ։ Անմոլի դեպքում մոր հետ նրանց միակ մեղքն այն էր, որ երեխան աղջիկ էր ծնվել, իսկ հայրը տղա էր ուզում։
Անմոլի մայրը կատարվածից հետո չի կարողացել ողջ մնալ, իսկ երեխան մնացել է մեկ աչքով։ Հիվանդանոցից դուրս գրվելուց հետո աղջիկը հայտնվել է մանկատանը։ Աղջիկը գիտեր, որ տարբերվում է մյուսներից։ Երեխաները խուսափում էին նրանից, և հասունանալով, նա ոչ մի աշխատավայրում երկար չի մնացել: Այդպես շարունակվեց այնքան ժամանակ, մինչև աղջիկն իր համար սոցիալական ցանցերը բացահայտեց։ Անմոլին հաջողվեց սովորել անգլերեն և սկսեց գործի դնել իր սեփական բլոգը, որը երկրպագուներ գտավ աշխարհի տարբեր երկրներում:
Նրա համառության և հանձնվել չցանկանալու շնորհիվ Անմոլն այսօր հաջողակ բլոգեր է։ Աղջիկը նաև մոդել է դարձել հագուստի հայտնի հնդկական ապրանքանիշի համար, որն ընտրել է նրան հենց իր «այլության» համար։ Անմոլն իր գրառումներում փորձում է ողջ աշխարհի աղջիկներին փոխանցել, որ ինչ էլ որ լինի, պետք չէ հանձնվել, քանի որ հաջողության հասնելու և երջանիկ ու սիրված դառնալու հնարավորություն միշտ կա։
