Լերա Կոժեմյակոն ծնվել է հազվագյուտ գենետիկ հիվանդությամբ։ Ծնողներին անմիջապես տեղեկացրին, որ աղջիկը դժվար թե մեծանա։ Չնայած ախտորոշմանը, Լերայի ծնողները շրջապատում էին նրան սիրով և հոգատարությամբ։ Թերևս դա է պատճառը, որ աղջիկը մեծացավ լավատես, բայց չէ որ նա ամեն օր ստիպված էր լինում բախվել դժվարություններին ու մարդկանց ծուռ հայացքներին:
Ի դեպ, Լերայի հասակն ընդամենը 109 սանտիմետր է։ Սակայն, չնայած դրան, աղջիկը հանդիպել է իր սիրուն ու ամուսնացել։ Զույգը ծանոթացել է առցանց։ Լերայի ընտրյալն ունի նաև հաշմանդամության 3-րդ խումբ։ Իհարկե, զույգը երազում էր երեխայի մասին, սակայն բժիշկներն արգելեցին Լերային ծննդաբերել։
Հակառակ բժիշկների հորդորների՝ Լերան հղիացավ և մայրացավ։ Բարեբախտաբար, զույգի դուստրը ծնվել է լիովին առողջ։ Չնայած կային ռիսկեր, որոնց մասին զգուշացրել էին բժիշկները։ Աղջիկը կարող էր ժառանգել մոր հիվանդությունը. Բայց ամեն ինչ ստացվեց: Այժմ աղջիկը 2,5 տարեկան է, նա մեծանում է որպես կենսուրախ ու խելացի երեխա։
