Տղան ունի բաց մաշկ և կանաչ աչքեր, աղջիկը՝ մուգ մաշկ և շագանակագույն աչքեր։ Բայց երեխաները միանման են ծնվել։
Շանթել Բրոտոնն Անգլիայի 29-ամյա բնակչուհի է, ով ծննդաբերել է երեխաների, որոնք ունեն մաշկի տարբեր գույներ։ Ծնվելիս երեխաները շատ նման էին, բայց ժամանակի ընթացքում նրանցից մեկը մաշկի ավելի մուգ երանգ ստացավ:
Երեխաները ծնվել են 2022 թվականի ապրիլին։ Աղջկան անվանել են Ազիրա, իսկ տղային՝ Աիոն։ Այժմ երեխաների արտաքինը զգալիորեն փոխվել է։ Տղան ունի սպիտակ մաշկ և կանաչ աչքեր, իսկ աղջիկը՝ մուգ մաշկ և շագանակագույն աչքեր։
Երկվորյակների ծնողները խառը ռասայից են։ Մայրական պապը Նիգերիայից էր։ Տղայի և աղջկա 29-ամյա հոր ծնողները ծագումով շոտլանդացի և ջամայկացի են։
Շանթելը նշում է, որ երեխաներին հաճախ են նկատում փողոցում։ Մարդիկ հարցնում են՝ արդյոք այս երկու երեխաները ազգակցական կապ ունե՞ն։ Երեխաների մայրը հավելեց, որ յուրաքանչյուր երեխա ունի իր բնավորությունը։ Ազիրան շատ լուռ և հանգիստ է, իսկ Աիոնն ավելի էմոցիոնալ է և կարիք ունի ուրիշների ավելի շատ ուշադրության։
Նշենք, որ ըստ գիտնականների՝ նման երկվորյակներ ծնվում են, երբ ծնողներից գոնե մեկը երեխա է միջցեղային ամուսնությունից: Նման դեպքերում առաջին սերունդը միատարր է, սակայն երկրորդ սերունդը կարող է առանձնանալ մաշկի գույնով կամ այլ հատկանիշներով։ Մաշկի տարբեր գույնի միանման երկվորյակների ծնունդը հնարավոր է, եթե ձվերը ունենան մուտացիա գեներից մեկում, որը վերահսկում է մաշկի պիգմենտացիան ԴՆԹ-ի առաջին կրկնօրինակման պահին: Այնուամենայնիվ, նման դեպքերը չափազանց հազվադեպ են:
