9 տարի առաջ Բրիտանիայում ծնվեց Նոյ Ուոլ անունով մի տղա։ Նրա ծնունդը ցնցեց ոչ միայն բժիշկներին, այլև ողջ Բրիտանիային:
Տղան ծնվել է գործնականում առանց ուղեղի։
Սկզբում բժիշկները խնդրեցին ծնողներին աբորտ անել, քանի որ ենթադրում էին, որ երեխան լրիվ անգործունակ է ծնվելու։ Բայց Շելլի Ուոլ մայրը մերժեց։
«Կարծում եմ, եթե այս տարբերակն առաջարկվեր ավելի երիտասարդներին, նրանք չէին դիմանա ճնշմանը և կընդհատեին հղիությունը։ Մենք արդեն փորձառու ծնողներ էինք, ուստի գիտեինք, թե ինչպես ինքնուրույն որոշում կայացնել: Մենք դրական մարդիկ ենք և ուզում էինք մեր որդուն ապրելու հնարավորություն տալ»,- լրատվամիջոցներին ասել է տղայի հայրը՝ Ռոբը, նշելով, որ մինչ Նոյի հայտնվելը ընտանիքում երկու դուստրեր էին արդեն մեծանում։
Ծնվելուց հետո տղայի մոտ ախտորոշվել է սպինա բիֆիդա, նրա ուղեղը գրեթե ամբողջությամբ բացակայում էր, այդ ամենը կազմում էր պահանջվող նորմայի ընդհամենը 2 տոկոսը:
Բոլորովին վերջերս Նոյն ու նրա ծնողները այցելեցին Good Morning Britain հեռուստաշոուն, որտեղ տղային իսկական հրաշք անվանեցին։ Ի վերջո, այժմ տղան շատ ակտիվ է, լավ է խոսում, սովորում է կարդալ և հաշվել, նույնիսկ սերֆինգի դասերի է հաճախում:
Հետազոտությունները ցույց են տվել, որ 9 տարվա ընթացքում երեխայի ուղեղն աճել է 80 տոկոսով։ Այսինքն՝ պարզվում է, որ երեխան ինչ-որ հրաշքով «մեծացրել» է ուղեղը։
«Վերջին սկանավորումները ցույց են տվել, որ նրա ուղեղն այժմ գրեթե ամբողջությամբ աշխատում է, նման բան բժիշկները չէին սպասում», – ասում է բրիտանական Good Morning Britain տաբլոիդը:
Որոշ բժիշկներ ենթադրեցին, որ տղայի ուղեղը «սեղմվել է» և ի վերջո սկսել է զբաղեցնել իր արժանի տեղը, սակայն Նոյի ծնողները շատ թերահավատորեն են վերաբերվում այս վարկածին:
«Եթե նրա ուղեղը խցանված լիներ, մեր որդին, հավանաբար, լուրջ հոգեկան առողջության հետ կապված խնդիրներ կունենար, բայց ինչպես տեսնում եք, դա այդպես չէ», – ասաց Նոյի հայրը Good Morning Britain-ին: Չնայած տղան զարգացման ուշացում ունի։
9-ամյա Նոյն ապրում է լիարժեք կյանքով և աստիճանաբար բարելավում է իր առողջությունը։ Նա վերջերս ոչ միայն հայտնվեց բրիտանական հեռուստատեսությամբ որպես եղանակի տեսության օգնական, այլև հաջողությամբ վիրահատվեց, որը թույլ տվեց նրան ազատվել կուտակված ֆիզիոլոգիական հեղուկից ուղեղի խոռոչում։
