Այն, ինչ եղել է, անցել է։ Թե՞ ոչ
Խոյ
Այս նշանի ներկայացուցիչները չեն սիրում հիշել նրանց, ում հետ նախկինում հանդիպել են։ Նրանք փախչում են այդ հիշողություններից, քանի որ չեն կարողանում հասկանալ, թե ինչպես է դա եղել: Եթե նրանք ինչ-որ տեղ հանդիպեն իրենց հին սիրուն, նրանց սիրտը կսկսի ավելի արագ բաբախել, բայց Խոյը դա ցույց չի տա։
Ցուլ
Ցուլը հաճույքով է հիշում իր անցյալ սերը։ Նա հաճախ է մտածում այն մասին, թե ինչ է կատարվում այժմ իր նախկին զուգընկերոջ հետ և գայթակղվում է կապ հաստատել նրա հետ։ Կարոտը նրա կյանքի անբաժան մասն է։
Երկվորյակ
Երկվորյակները չեն մոռանում նախկին սիրեկաններին։ Եվ դրանք միշտ լավ հիշողություններ են, նույնիսկ եթե հարաբերությունները վատ ավարտ են ունեցել: Եթե քեզ փողոցում տեսնեն, անպայման կմոտենան ու կհարցնեն, թե ինչպես ես։
Խեցգետին
Խեցգետինները հաճախ են հիշում իրենց նախկիններին։ Այս մտքերն առաջացնում են հիշողություններ, ցավ ու տխրություն: Խեցգետինը վերլուծում է, թե ինչու է ամեն ինչ ավարտվել, բայց չի գիտակցում իր մեղքը։
Առյուծ
Առյուծները երբեք չեն մոռանում այն մարդկանց, ում հետ հարաբերությունների մեջ են եղել։ Հավանաբար, նրանք դեռևս կապ են պահպանում նրանց հետ, թեկուզ մակերեսորեն։ Առյուծներն էլ են ուզում, որ իրենց հիշեն:
Կույս
Այս նշանի տակ ծնվածները հաճախ վերլուծում են իրենց նախկին հարաբերությունները, հատկապես, եթե զուգընկերն է լքել նրանց։ Աղջիկները փորձում են պարզել, թե ինչպես է նա ապրում առանց իրենց, քանի որ կարծում են, որ իրենցից ավելի լավին նրանք չգտնի։
Կշեռք
Կշեռքները հիշողությունների մեջ չեն խորանում, բայց ոչինչ չեն էլ մոռանում։ Եթե բաժանումը փոխադարձ որոշում էր, նրանք միշտ կողջունեն ձեզ, երբ հանդիպեն: Եթե ինչ-որ մեկը նեղացրել կամ դավաճանել է Կշեռքների ներկայացուցիչներին, ապա նրանց վիրավորողն անպայման կջնջվի հիշողությունից:
Կարիճ
Կարիճի նշանի տակ ծնվածները չեն սիրում հիշել անցյալը։ Նրանք առաջ են շարժվում, և վստահ եղեք, որ երբ հանդիպեք, Կարիճը ձեզնից կշրջվի մյուս ուղղությամբ:
Աղեղնավոր
Աղեղնավորները սիրում են նոստալգիկ լինել և հաստատ ոչ մեկին չեն մոռանում։ Շատ դեպքերում նրանք կփորձեն ընկերական մնալ ձեզ հետ, բայց երբեք չեն ցանկանա թարմացնել իրենց ռոմանտիկ հարաբերությունները:
Այծեղջյուր
Համառ Այծեղջյուրները նախ վերլուծում են իրենց, իսկ հետո՝ զուգընկերոջը։ Նրանք հաճախ մտածում են անցյալի մասին և վրեժխնդրության ծրագրեր են կազմում, բայց հետո փոխում են իրենց կարծիքը։ Այս նշանի ներկայացուցիչները երկար են հիշում իրենց նախկիններին, և կարելի է վստահորեն ասել, որ նրանք ապրում են նորից վերամիավորվելու հույսով։
Ջրհոս
Ջրհոսները չեն մոռանում իրենց նախկին սերը։ Նրանք միշտ կհիշեն քեզ, երբ լսեն քո սիրելի երգը կամ ուտեն քո սիրելի կերակուրը: Այս մարդիկ չեն շրջվի, երբ տեսնեն քեզ ինչ-որ տեղ:
Ձկներ
Զգացմունքային Ձկները բաժանումից հետո երկար ժամանակ ապրում են նախկին զուգընկերոջ հիշողություններով: Նրանք չեն կարողանում հաղթահարել իրենց զգացմունքները և շատ են լաց լինում։ Հպարտությունից ելնելով, Ձկները չէին ցանկանա նորից տեսնել ձեզ, բայց նրանք շատ երկար կտանջվեն։
