Յուրաքանչյուր աղջիկ երազում է գեղեցիկ և շքեղ հարսանիքի մասին։ Այս օրը պետք է կատարյալ լինի և հիշվի տարիներ շարունակ: Եվ իհարկե, նման տոնակատարությունը կարժենա կլորիկ գումար։ Սակայն ավստրալացի հարսնացուն չցանկացավ մեծ գումար ծախսել եւ այդ պատճառով որոշեց համեստ հարսանիք անել։ Նա հատկացրել է 10,000$ բյուջե։ Եվ ամեն ինչ լավ կլիներ, եթե հրավիրված հյուրերի ցանկը չլիներ 150 հոգի։
Աղջիկը Facebook-ում հրապարակեց իր ծախսերի ցուցակը՝ 1200 դոլար արժողությամբ զգեստ, 1200 դոլար արժողությամբ տեսանկարահանող և 1400 դոլար արժողությամբ լուսանկարիչ։ Հարսնացուն պատրաստվում էր մի փոքրիկ մատուռում արարողություն կազմակերպել, իսկ հետո խնջույք կազմակերպել ընտանեկան ֆերմայում։ Նաև 200 դոլարով աղջիկը պատրաստվում էր աղջիկների երեկույթ անցկացնել և 300 դոլար ծախսել ընտանեկան ընթրիքի վրա։ Նա չէր հրավիրել դիջեյ կամ հաղորդավար, ուստի հյուրերը ստիպված կլինեն ինքնուրույն զվարճանալ: Բացի այդ, նրանք հաստատ սոված են մնալու: Որպես ճաշացանկ՝ հարսնացուն նախատեսել էր ադիբուդի, փոքրիկ բլիթներ և տնական հարսանեկան տորթ։ Հարսանիքին ալկոհոլ կամ թանկարժեք խմիչք չէր լինելու։ Ի վերջո, ավստրալացին մտադիր էր հյուրերի վրա ծախսել ընդամենը 400 դոլար։
Ցանցում իսկական իրարանցում էր սկսվել, օգտատերերը քննադատել են աղջկա մոտեցումը։ Չէ՞ որ կարելի էր ամենամտերիմներին հրավիրել ու արժանի տոնակատարություն անցկացնել։ Եվ ոչ թե հավաքագրել հսկայական թվով անծանոթ մարդկանց՝ նրանց վրա խնայելու համար:
