- Եփովի խմորի համար՝
- կաթ – 100 մլ
- ջուր – 100 մլ
- շաքարավազ – 1 ճ/գ
- աղ – 1 պտղունց
- ձու – 3 հատ
- կարագ – 80 գ
- ալյուր – 120 գ
- Եփովի կրեմի համար՝
- վանիլին – 1 թ/գ
- շաքարավազ – 450 գ
- կաթ – 1 լ
- աղ – 3/4 թ/գ
- ալյուր – 4 ճ/գ
- կարագ – 150 գ
- ձու – 4 հատ
- Էկլերի կրեմի համար՝
- կրեմ – 500 գ (եփովի)
- ժելատին – 13 գ
- սննդի գունանյութ – 3 գ
- Բավարական մուսսի համար՝
- կրեմ – 500 գ (եփովի)
- սերուցք՝ 30-35% յուղայնությամբ – 300 գ
- թթվասեր – 200 գ
- ժելատին – 20 գ
- Ջնարակի համար՝
- գլյուկոզա – 100 գ
- շոկոլադ սև – 100 գ
- շաքարավազ – 100 գ
- ջուր – 90 գ
- խտացրած կաթ – 67 գ
- ժելատին – 10 գ
Կաթսան կրակից վերցնում ենք և ավելացնում ալյուրն ամբողջությամբ։
Եփովի կրեմը լցնում ենք խոհարարական ներարկիչի մեջ և սկսում ենք էկլերները դուրս սեղմել յուղաթղթապատ տապակի մեջ։ Մի քանի գալ թողնում ենք ձևավորման համար։
Թխում ենք մոտ 20 րոպե նախապես մինչև 190 աստիճան տաքացրած ջեռոցում։ Էկլերները չափերով մի քանի անգամ պետք է մեծանան և ոսկեգույն երանգ ստանան։ Եթե էկլերները քիչ թխված լինեն, ջեռոցից հանելուց հետո կնստեն։
Պատրաստում ենք եփովի կրեմը. 4 հատ ձուն շաքարավազի և 4 ճ/գ ալյուրի հետ միացնում ենք և խառնում, մինչև համասեռ զանգված ստանանք։Աստիճանաբար ավելացնում ենք գոլ կաթը` խառնիչով լավ խառնելով։ Կրեմը եփում ենք, անընդհատ խառնում ենք, որպեսզի չվառվի և գնդիկներ չառաջանան։ Եփում ենք միջին ուժեղության կրակի վրա, մինչև թանձրանա։ Պատրաստի կրեմը կրակից վերցնում ենք և սառեցնում։
Փափկած 180 գ կարագը հարում ենք։Հարելու ընթացքում գդալ առ գդալ ավելացնում ենք եփովի կրեմը։ Այնքան ենք հարում, մինչև ողջ եփովի կրեմը խառնվի կարագին։Կրեմով ամանը սննդային փաթեթով ծածկում ենք և սեղմում ենք, որպեսզի այն կիպ կպնի ամանին և կրեմին և կեղև չառաջանա։ Թողնում ենք՝ սառչի։
Էկլերների կրեմըԷկլերները կարող ենք եփովի կրեմով լցոնել, հարած սերուցքով, կարող ենք որևէ թթվա-քաղցր հատապտուղ դնել, բայց կարող ենք նաև դատարկ թողնել։Ժելատինը մի քանի գդալ ջրում լուծում ենք, ավելացնում ենք եփովի կրեմը (նախապես գունանյութի հետ հարած) խառնում ենք։ Հրուշակեղենային պարկով կրեմը կիսով չափ լցոնում ենք էկլերների մեջ։
Բավարական մուսսՍերուցքը հարում ենք, մինչև փափուկ փրփուր ստանանք
Ժելատինը ջրում լուծում ենք, ավելացնում ենք եփովի կրեմի մեջ, որը նախապես հարիչով հարում ենք, որ համասեռ դառնա։ Արագ խառնում ենք, քանի որ ժելատինը կրեմը շուտ է պնդացնում։ Ավելի լավ է հարիչով հարել։Հարած սերուցքն ու թթվասերն աստիճանաբար ավելացնում ենք կրեմի մեջ և խառնում ենք այնքան, մինչև համասեռ զանգված ստանանք։
Սկսում ենք տորթը հավաքել։Տորթի ձևամանը սննդային փաթեթով ծածկում ենք և էկլերները տեղավորում ենք ձևամանի մեջ։ Եթե էկլերները տարբեր միջուկներով են, ապա կարող ենք դրանք հաջորդաբար դնել։ Հատապտղային լցոնով էկլերները շատ լավ համադրություն կլինեն կրեմով էկլերների հետ։
Բավարական կրեմը լցնում ենք էկլերների վրա այնպես, որ դատարկ հատվածները լցնենք։ Այնուհետև դնում ենք մնացած էկլերները, վրան՝ մնացած մուսսը։ Պետք է այնպես լցնենք, որ էկլերներն ամբողջությամբ մուսսով ծածկվեն։ Կարող ենք էկլերները թեթևակի սեղմել, որպեսզի ամբողջությամբ կրեմի մեջ լինեն։ 1-2 ժամով կամ, ավելի լավ է, գիշերը սառնարանում թողնենք։
ՁևավորումՅուղաթղթի վրա նախշեր ենք նկարում, և եփովի խմորից առանձնացված խմորով նախշեր ենք անում։ Եթե խմորը թանձր է և հրուշակեղենային պարկից լավ չի ծորում, ապա կարող ենք մի քիչ գոլ կաթ կամ ձու ավելացնել։
Թխում ենք 170 աստիճան տաքացրած ջեռոցում մոտ 30 վայրկյան` կախված ջեռոցից։ Քանի որ խմորը բարակ շերտով է, ապա այն շատ արագ կմգանա և ջնարակի վրա գեղեցիկ չի դիտվի։ Այնպես որ, շատ չենք կարմրացնում։
Շոկոլադե ջնարակԺելատինը 40 մլ ջրում լուծում ենք։ Մնացած ջուրը, շաքարավազն ու գլյուկոզան (եթե գլյուկոզա, չկա ինվերտային օշարակով ենք փոխարինում) լցնում ենք կաթսայի մեջ և տաքացնում մինչև 103 աստիճան։ Շոկոլադը հալեցնում ենք, ավելացնում խտացրած կաթն ու խառնում ենք։ Ավելացնում ենք ժելատինը։ Օշարակը լցնում ենք շոկոլադե խառնուրդի մեջ և բլենդերով լավ հարում ենք։Եթե ուզում ենք՝ ջնարակն առանց պղպջակների լինի, ապա պետք է մի քանի կանոնների հետևենք.Բլենդերի բաժակը պետք է խոր և նեղ լինի։Բլենդերը բաժակի մեջ դնելուց հետո ենք միացնում։Բլենդերը բարձրացնելու և իջեցնելու կարիք չկա, այն պետք է մի դիրքում լինի։Զանգվածը հարում ենք, մինչև համասեռ դառնա։Ջնարակը 30-35 աստիճանի հասնելուց հետո լցնում ենք տորթի վրա և ձևավորում։ 20 րոպեով տեղափոխում ենք սառնարանը, որպեսզի ջնարակը պնդանա։
Շատ համեղ և յուրօրինակ էկլերով տորթ, որը մի քիչ ժամանակատար է, սակայն ոչ այնքան բարդ, դե իսկ արդյունքը բոլոր ակնկալիքներն արդարացնում է: Եփովի էկլերները լավ համադրվում են բավարական կրեմ-մուսսի հետ, որը բերանում հալչում է։
