Այս տարի Նովոսիբիրսկի մոտ տեղի ունեցած միջադեպը կարելի է վստահորեն անվանել իսկական Սուրբ Ծննդյան հրաշք։ Սոսնովկա գյուղից հինգ դեռահասներ հունվարի 7-ին զբոսնելիս մայրուղու վրա նկատեցին ձվի տուփ, որտեղից կամաց ճչոց էր լսվում։
Սկզբում դպրոցականները կարծեցին, որ այնտեղ կարող է կատվի ձագ կամ շան ձագ լինել, բայց մոտենալով՝ նկատեցին, որ տուփի մեջ մի փոքրիկ երեխա է՝ բարակ վերմակով փաթաթված։ Դպրոցականներից մեկին հաջողվեց զանգահարել ծնողներին, նրանք շտապ նստեցին մեքենան և երեխային տեղափոխեցին հիվանդանոց։
Աղջկա բախտը շատ էր բերել, նրան արագ գտան, և նա շատ ժամանակ չէր անցկացրել դրսում, չէ որ այդ օրը սառնամանիքը հասել էր 20 աստիճանի։ Երեխայի առողջությունը չի տուժել, և նրա պատմությունը շատ արագ հայտնի դարձավ սոցիալական ցանցերի շնորհիվ, և շատ մարդիկ եղան, ովքեր ցանկանում էին ընդունել «Սուրբ Ծննդյան գտածոն»:
Ներկայումս երեխան խնամակալների ընտանիքում է, ովքեր զբաղվում են որդեգրման նախագծով։ Անպաշտպան երեխային ցրտին թողած աղջկա կենսաբանական մորը դեռ չեն գտել։
