Այս զարմանալի դեպքը տեղի է ունեցել ԱՄՆ-ում։
Ֆաթիմա Մադրիգալը երկվորյակների մայր է դարձել, որոնք ծնվել են 15 րոպե տարբերությամբ, բայց տարբեր տարիներին։
Ֆաթիմա Մադրիգալը և Ռոբերտ Տրուխիլյոն ունեցել են որդի և դուստր, նրանք երկվորյակներ են, սակայն նրանց ծննդյան վկայականներում նշված կլինեն տարբեր տարիներ, ամիսներ և օրեր։
Կինը հիվանդանոց է ընդունվել Ամանորից անմիջապես առաջ։
Զույգը գիտեր, որ երկվորյակներ են ունենալու, բայց նույնիսկ չէին կռահում, թե ինչ անակնկալ են պատրաստել իրենց երեխաները։
Ալֆրեդո անունով տղան ծնվել է տոնի հենց նախօրեին՝ դեկտեմբերի 31-ին, ժամը 23.45-ին, սակայն նրա քույրը՝ Էյլինը, ծնվել է ժամացույցի կեսգիշերին հարվածելուց անմիջապես հետո։
Պարզվում է, որ նրա ծննդյան տարեթիվը 2022 թվականի հունվարի 1-ն է։
Եվ նաև, Էյլինն առաջին երեխան է, ով ծնվել է այս բժշկական կենտրոնում 2022 թվականին։
«Ինձ համար զարմանալի է, որ նրանք երկվորյակներ են և տարբեր ծննդյան օրեր ունեն:
Ես ուրախ էի, որ աղջիկս ծնվեց կեսգիշերից հետո»,- ասաց երջանիկ մայրիկը։
Կլինիկայի անձնակազմը նույնպես զարմացած էր այս իրավիճակից։
«Սա իմ կարիերայի ամենահիշարժան ծնունդն էր: Բացարձակ հաճույք էր օգնել այս փոքրիկներին ապահով ժամանել այստեղ 2021 և 2022 թվականներին: Ի՜նչպիսի զարմանալի առիթ և միջոց է Նոր Տարին սկսելու համար», – ասաց կենտրոնի ընտանեկան բժիշկ Անա Աբրիլ Արիասը։
Ֆաթիման և Ռոբերտն արդեն երեք երեխա ունեն՝ երկու դուստր և մեկ որդի։
Ինչպես կինը պատմեց, որդին առանձնահատուկ էր սպասում ընտանիքում համալրմանը, քանի որ վերջապես եղբայր ունեցավ։
