Մեր իրական պատմության հերոսուհին՝ Ամանդա Ափթոնը, դիզայներ է Սիդնեյից: Փոքր տարիքից Ամանդան երազում էր ընտանիքի և երեխաների մասին, բայց այնպես ստացվեց, որ 39 տարեկանում կինը դեռ մշտական զուգընկեր չուներ:
Ամանդան որոշեց հղիանալ ու «իր համար» ծննդաբերել, սակայն չկարողացավ դա անել բնական ճանապարհով։ Հետազոտությունը ցույց է տվել, որ կինն անպտղության համար լուրջ բուժման կարիք ունի, սակայն դրանից հետո էլ, ամենայն հավանականությամբ, անհրաժեշտ կլինի IVF պրոցեդուրան։
Մի քանի տարվա բուժումից հետո Ամանդան վերջապես որոշեց ռիսկի դիմել։ Կինը երեք անգամ IVF պրոցեդուրա է անցել (ժամանակավոր ընդմիջումներով)՝ դրա վրա ծախսելով իր գրեթե ողջ խնայողությունները։ Բայց ամեն անգամ, երբ փորձն ավարտվում էր անհաջողությամբ, Ամանդան հղիության 8-9 շաբաթում կորցնում էր չծնված երեխաներին: Կինը պետք է բուժման ևս մի քանի կուրս անցներ, և նա արդեն մտածում էր հանձնվելու մասին, բայց այնուամենայնիվ որոշեց նորից փորձել:
Այդ ժամանակ Ամանդան արդեն 53 տարեկան էր, և տարիքն ինքնին ռիսկային էր առաջին հղիության և ծննդաբերության համար։ Սակայն առաջին ուլտրաձայնային հետազոտությունից հետո բժիշկները շտապեցին ուրախացնել հիվանդին։ Ամանդան հղի էր, ավելին, նա սպասում էր միանգամից երկու խոշոր և առողջ երեխայի:
2018 թվականին Ամանդան վերջապես կարողացավ իրականացնել իր երազանքը։ 54 տարեկանում նա դարձավ երկու հմայիչ աղջիկների մայր։ Քանի որ Ամանդան ազատ աշխատող էր, նա որոշեց աղջիկներին մանկապարտեզ չուղարկել, այլ ինքնուրույն մեծացնել։ Այսօր «երիտասարդ» մայրիկը հայտարարում է, որ իրեն անսահման երջանիկ է զգում և փորձում է ազատ ժամանակի յուրաքանչյուր րոպեն անցկացնել աղջիկների հետ։
