Ամուսիններ Սյուզանն ու Ջիմը ինքնուրույն կենտրոն են ստեղծել, որտեղ փրկում և մեծացնում են առանց մոր մնացած արջի ձագերին։
Այստեղ նրանք հայտնվում են տարբեր պատճառներով և այստեղ բոլորին ընդունում են որպես իրենց զավակ։
Պատահում է, որ որոշ ձագերի հետ են թողնում ազատ կյանք, իսկ ոմանք ընդմիշտ մնում են կենտրոնում` կախված նրանից, թե ինչ «բեռով» են նրանք հայտնվել այստեղ:
Orphaned Wildlife Center կենտրոնը պաշտոնապես գործում է արդեն 5 տարի, սակայն մինչ այդ Սյուզանն ու Ջիմը 15 տարի զբաղվել են կենդանիների փրկությամբ և վերականգնմամբ։
Այս պահին կենտրոնի տարածքում բնակվում է տարբեր տեսակի շուրջ 11 էակ, որոնք այլեւս չեն կարողանա լքել այն։ Խնամքի բոլոր աշխատանքները կատարում են իրենք՝ ամուսինները, միայն մեկ աշխատակից է զբաղվում թղթաբանությամբ։
Տղամարդը կարողացել է կապ հաստատել իր մոտ հայտնված բոլոր արջերի հետ։ Նա նրանց վերաբերվում է ինչպես իր երեխաներին, քանի որ իր ձեռքերով է կերակրել բոլորին շշով, երբ նրանք դեռ բավականին փոքրիկ էին:
Ջիմն ազատորեն մոտենում և գրկում է ցանկացած արջի, խաղում նրանց հետ և քորում ականջի հետևը:
