Այս զարմանալի պատմությունը տեղի է ունեցել անցյալ տարվա դեկտեմբերին Ֆիլիպինների Սեբու կղզում: Այդ օրը Ջենրել անունով մի մարդ էր բարձրանում լեռնային ճանապարհով դեպի իր տուն։ Ինչպես կղզու բնակիչներից շատերը, նա հեծանիվ էր օգտագործում որպես փոխադրամիջոց։
Ինչ-որ պահի նրա հետևից մի շուն ընկավ։ Նա շատ բարձր հաչում էր և ամեն կերպ փորձում ուշադրություն գրավել։ Ջենրելը կանգ առավ և պարզ դարձավ, որ շունն ինչ-որ տեղ է կանչում նրան։
Տղամարդն իջավ մոտոցիկլետից ու գնաց կենդանու հետևից։ Եվ մի քանի րոպե անց, տեղի աղբավայրի մոտ, շունը սկսեց պտտվել և նվնվալ ինչ-որ կապոցի մոտ։ Ինչպիսի՜ զարմանք ապրեց այդ մարդը, երբ տեսավ երեխային այնտեղ։
Ջենրելն անմիջապես ոստիկանություն կանչեց։ Պարզվեց, որ դա տղա է, բժիշկների զննությամբ պարզվել է, որ նա միանգամայն առողջ է և մարմնի վրա վնասվածքներ չունի։
Այս ամբողջ խառնաշփոթի մեջ շունը բոլորովին մոռացվեց։ Սակայն մեկ շաբաթ անց նրան գտան նույն տարածքում։ Պարզվեց՝ անօթևան չէ, տերեր ունի։ Իսկ տեղական Hope for Strays բարեգործական կազմակերպությունը նվերներով եկավ չորքոտանի փրկչի տերերի տուն:
Շան անունը Բլեքի է, և նրանից բացի տանը կան ևս տասը չորքոտանի ընկերներ:
Ցավոք սրտի, սեփականատերերի ֆինանսական վիճակը այնքան էլ լավ չէ։ Բայց հիմա նրանց կօգնի բարեգործական հիմնադրամը երախտագիտության տեսքով այն բանի համար, որ մարդիկ մեծացրել են այդքան խելամիտ և զգայուն շուն։
