Մեծ Բրիտանիայում՝ Ֆլիթվուդ քաղաքի մոտ, հայտնաբերվել է 19-րդ դարի լքված կալվածք, որի ներսը մնացել է «կենդանի»։
Բացահայտմամբ կիսվել է լուսանկարիչ-հետազոտող Դին Սլեյդերը: Նրա հոբբին լքված շենքեր փնտրելու նպատակով շրջել երկրով մեկ, ուսումնասիրել դրանք և լուսանկարել։ Բայց այս գյուղական կալվածքը ամենաշատն է տպավորել լուսանկարչին։
Զարմանալի է, որ 70 տարվա ընթացքում գյուղացիական տունը չի փլվել, նույնիսկ մնացել է շատ լավ վիճակում։ Դրսից շենքն այնպիսի տեսք ունի, կարծես հենց հիմա էլ ինչ-որ մեկը կարող է այնտեղ ապրել։ Բայց ամենասարսափելին ու միաժամանակ հետաքրքիրն իր ներսում տիրող իրավիճակն է։ Տունը լցված է առարկաներով և կենցաղային իրերով, որոնք գտնվում են այն վիճակում, կարծես վայրկյան առաջ այս սենյակում կյանքը եռում էր։ Սակայն այս տպավորությունը ցրում են փոշու առատությունը և քայքայվող պաստառները։ Այս ամբողջ պատկերն այնպիսին է, ասես տունն անմիջապես լքել են՝ թողնելով ամեն ինչ:
Շատ փաստեր ցույց են տալիս, որ հայտնաբերված կալվածքը թվագրվում է 50-ական թվականներով։ Այդ են վկայում այն ժամանակվա բնորոշ ինտերիերն ու լքված թերթը՝ 1950 թ-ի։
Բացի այդ, Դինը ֆիքսել է ներսում տեսած ընդհանուր միջավայրը: Լուսանկարներում դուք կարող եք տեսնել մանկական խաղալիքներ, մանկասայլակ, կահույք՝ այս ամենը մնացել է անձեռնմխելի:
Սլայդերը խորապես հետաքրքրված էր առեղծվածային «ուրվականների տնով» և որոշեց հետաքննել դրա պատմությունը: Տեղի բնակիչների հետ զրուցելուց հետո լուսանկարիչը պարզել է, որ տանը նախկինում եղել է ընտանիք՝ ոմն Մերի Քաուել և նրա երկու որդիները։ Կարծիք կա, որ եղբայրները կոնֆլիկտ են ունեցել միմյանց հետ, ինչի պատճառով էլ մոր մահից հետո որոշել են իրենցից ոչ մեկին չժառանգել կալվածքը։
