Երչբ ուզում ենք ասել, որ մարդիկ զարմանալիորեն նման են, ասում ենք, որ նրանք կարծես երկվորյակ լինեն:
Ահա, թե ինչու են մարդիկ զարմանում, երբ իմանում են, որ այս հոդվածի գլխավոր հերոսուհիները պարզապես ընկերուհիներ չեն:
Անգլուհիներ Լյուսի և Մարիա Էյլմերները դեռ մանկուց զարմացնում էին շրջապատողներին:
Մարդիկ հրաժարվում էին հավատալ, որ բացարձակ տարբեր աղջիկները երկվորյակ քույրեր են:
Դոննան՝ աղջիկների մայրը, երջանիկ էր, երբ իմացավ, որ երկվորյակ է ունենալու:
Երբ Դոննային առաջին անգամ ցույց տվեցին աղջիկներին, նա ապշեց: Ուլտրաձայնային հետազոտության ժամանակ, բնականաբար, երեխայի մաշկի գույնը չի պարզվում: Կինը չէր էլ կասկածում՝ ինչ տարբեր են իր աղջիկները:
Սկզբում Դոննան աշխատում էր դուստրերին երկվորյակի պես հագցնել: Սակայն շուտով պարզ դարձավ՝ նրանց ճաշակներն ու հետաքրքություններն էլ են տարբեր:
Լյուսին հիշում է՝ դպրոցում շատ համադասարանցիներ նույնիսկ մտածում էին, որ Էյլմերների ընտանիքն իրեն որդեգրել էր:
Քույրերը բնավորությամբ շատ տարբեր են: Գանգրահեր և մուգ մաշկով Մարիան շփվող և բաց մարդ է:
Իսկ կարմրահեր և պեպեններ ունեցող Լյուսին ավելի փակ է և ամաչկոտ: Աղջիկները լավագույն ընկերուհիներ են:
Աղջիկների ապագայի ծրագրերն էլ են տարբեր: Մարիան ուզում է դպրոցից հետո իրավունք և հոգեբանություն ուսումնասիրել:
Նա երազում է մարդկանց հետ աշխատել և կարիերա ստեղծել: Իսկ Լյուսին դիզայն և արվեստ է սիրում:
Յուրահատուկ երկվորյակները միակ երեխաները չեն ընտանիքում: Աղջիկների հայրը սպիտակամորթ է, մոր ծնողներից մեկը Ջամայկայից էր:
Աղջիկները շատ գոհ են իրենց նման չլինելուց: Նրանք լավագույն ընկերուհիներ են մանկուց, ուրիշ կյանք չեն պատկերացնում, անկեղծորեն ուրախ են իրերի այդպիսի դրվածքի համար:
