Նիգերացի հայտնի գիտնականը իր հետազոտական աշխատանքում հաստատում է, որ եղունգների ձևը և մատնահետքերը տեղեկություններ են պարունակում մարդու անձնային հատկանիշների մասին:
Լայն, երկար և ուղղանկյունաձև եղունգներ
Հատուկ են հանգիստ, հավասարակշռված, լայն աշխարհայացքի տեր մարդկանց: Նրանց միշտ կարելի է վստահել: Նրանք բնածին առաջնորդներ են և միշտ պատասխանատու են իրենց քայլերի համար:
Շատ փոքրիկ քառակուսի եղունգներ
Սրամիտ, ճկուն, հնարամիտ և արագ մտածող մարդկանց է հատուկ: Խանդոտ բնավորություն ունեն, շուտ բռնկվում են, թեպետ շուտ էլ մարում է նրանց զայրույթը: Հակված են ժլատության և ագրեսիայի:
Երկար, նեղ եղունգներ
Այսպիսի եղունգների տերերը եսասեր են և հաշվենկատ: Սիրում են շքեղություն և պահանջում են ուշադրություն սեփական անձի նկատմամբ: Հաճախ նեղացկոտ են:
Կարճ եղունգներ
Շատ բռնկուն են և անհամբեր, բայց ճկուն տրամաբանություն ունեն: Որքան կարճ են եղնունգները, այնքան դրանց տերերը պահանջկոտ են թե՛ սեփական անձի, թե՛ մյուսների նկատմամբ:
Նշաձև եղունգներ
Նուրբ, զգայուն էակներին են հատուկ: Սիրում են օգտակար լինել ուրիշներին: Չափից դուրս զգացմունքային են և խոցելի:
Եռանկյունաձև եղունգներ
Ստեղծագործ էություններ են՝ նուրբ հոգեկերտվածքով և փոփոխական տրամադրությամբ: Հակված են նևրոտիկ վիճակների: Կյանքում ձգտում են հասնել ճանաչման և փառքի, չեն սիրում պարտվել:
