Առաջարկում ենք միկրոալիքային վառարանի մեջ խնձորը եփելու մի յուրօրինակ բաղադրատոմս՝ հեշտ ու արագ…
Այսպիսով, ձեզ անհրաժեշտ են մեկ տուփ կաթնաշոռ, շաքարվազ, վանիլին կամ դարչին և մի քանի խնձոր։
Ի դեպ, կարելի է վերցնել ցանկացած տեսակի խնձոր, բայց եթե այն քաղցր է, ապա պետք է շաքարավազն ավելի քիչ օգտագործել։
Պատրաստման եղանակը`
Առաջին հերթին պետք է լվանալ խնձորները և գլխարկի նման կտրել վերևի հատվածը։
Գդալի օգնությամբ անհրաժեշտ է հանել խնձորի սերմերը և միջին հատվածում լցնել շաքարավազով կաթնաշոռը. կարելի է նաև մանրացված հատապտուղներ կամ չամիչ օգտագործել։
Խնձորները լցոնելուց հետո (ոչ այնքան շատ), դրանք արդեն կարելի է գլխարկով փակել։
Մնում է միայն խնձորները դնել հատուկ ամանի մեջ և տեղափոխել միկրոալիքային վառարան՝ եփելով ընդամենը 3 րոպե։
Խնձորը պատրաստվելուց հետո կարելի է մատուցել մուրաբայով կամ հատապտղային սոուսներով։
