Բաղադրիչներ
- ալյուր – 470 գր
- շաքարավազ – 6 ճ/գդ
- ձու – 1 հատ
- կաթ – 250 մլ
- խմորիչ – 11 գր
- աղ – 0.5 թ/գդ
- կարագ – 200 գր
- նարինջ – 1 հատ
- կիտրոն – 1 հատ
- չամիչ – 150 գր
- ընկույզ – 150 գր
- դարչին – 0.5 թ/գդ
- վանիլին – 1 պտղունց
- հիլ(кардамон) – 2 հատ
- շաքարի փոշի – ըստ ճաշակի
Պատրաստման եղանակ
Ամանի մեջ խառնում ենք 450 գր ալյուրը, 4 ճ/գդ շաքարավազը, խմորիչն ու աղը: Կաթը եռացնում ենք, ավելացնում 50 գր կարագը և կամաց-կամաց լցնում չոր բաղադրիչները: Խմոր ենք հունցում, ծածկում խոնավ սրբիչով և թողնում 30 րոպե:
Նարինջն ու կիտրոնը կեղևազրկում ենք և հյութը քամում: Հյութը լցնում ենք կաթսայի մեջ, դնում կրակին, ավելացնում չամիչը և 2 ճ/գդ շաքարավազ:
Ընկույզներն ու հիլը մանրացնում ենք, ավելացնում վանիլինն ու դարչինը: Այս ամենից հետո կրակից վերցնում ենք չամիչները և զանգվածի մեջ ավելացնում ենք ընկուզային խառնուրդը: Հովացած զանգվածը խառնում ենք 150 գր կարագի հետ:
Խմորը գրտնակում ենք, մեջը դնում միջուկն ու ռուլետանման փաթաթում:
Ռուլետի ծայրերը միացնում ենք, դնում յուղաթղթապատ ձևամանի մեջ և 20 րոպե հանգիստ թողնում: Այնուհետև 2-3 սմ հեռավորություններով կտրվածքներ ենք անում և թխում 200 աստիճան տաքացրած ջեռոցում 15 րոպե, ինչից հետո էլ ևս 20 րոպե՝ 180 աստիճանում:
Պիրոգը հովացնում ենք, վրան շաքարի փոշի ցանում և մատուցում:
Ահա և վերջ:
Զատիկին առաջարկում ենք համեղ պիրոգ պատրաստել
