Ինչպես տան պայմաններում պատրաստել սերուցքային շոկոլադապատ պլոմբիր

Մեր օրերում, երբ սնունդը հագեցած է կոնսերվանտներով, արոմատիզատորներով և այլ քիմիայով, շատերս ենք ձգտում հնարավորինս զերծ մնալ խանութի սնունդից և երեխաների համար աշխատում ենք ամեն բան տանը պատրաստել։

Պարզվում է, որ անգամ պաղպաղակը կարող ենք պատրաստել տանը՝ շատ համեղ և որակյալ։

Պլոմբիր տնային պայմաններում

Անհրաժեշտ բաղադրիչներ

Պատրաստման եղանակը

1. Սերուցքը լցրեք խորը ամանի մեջ և ձեռքի կամ էլեկտրական հարիչով հարեք, մինչև փրփրի։ Խփելու ընթացքում զանգվածը կրկնակի ավելանում է։

2. Սերուցքի մեջ աստիճանաբար լցրեք խտացրած կաթը և շարունակեք հարել։

3. Ստացված զանգվածը տեղափոխեք հարմար տարայի մեջ։

4. Շոկոլադը հալեցրեք ջրային բաղնիքի վրա կամ միկրոալիքային վառարանի մեջ։

5. Շոկոլադը լցրեք բաժակների մեջ և հետ շրջեք, որպեսզի շոկոլադը թափվի և մնա միայն պատերին և բաժակի հատակին քսված։

6. Բաժակները 10 րոպեով դրեք սառցախցիկը։

7. Հիմա բաժակների մեջ լցրեք պաղպաղակը, ամեն մի բաժակի մեջ մի փայտիկ դրեք և նորից դրեք սառցախցիկը հինգ ժամով կամ թողեք ամբողջ գիշեր։

8. Երբ պլոմբիրը կսառչի, զգուշորեն կտրեք ստվարաթղթի բաժակը և հանեք պաղպաղակի վրայից։

9. Ի դեպ, պլոմբիրը պարտադիր չէ շոկոլադապատ անել, այն կարող եք պարզապես լցնել բաժակների մեջ, սառեցնել և վայելել մրգերով ու օշարակներով։