Այսօր սիրով կկիսվենք ձեզ հետ խոհարարական խորհուրդներով, որոնք վերաբերում են ինչպես գետի, այնպես էլ ծովային ձկների պատրաստմանը։
1. Վերացնել գետի ձկան տհաճ հոտը ապուրի մեջ կօգնի դափնու տերևը։
2. Ձկան ապուրը ցածր կրակի վրա եփեք։ Երկար և ուժեղ եռալու դեպքում ձկան համը փչանում է։
3. Ջեռոցը լավ տաքացրեք, նախքան ձուկը պատրաստելը։
4. Պատրաստ լինելը ստուգելու համար պատառաքաղով փորձեք միսը առանձնացնել հիմնական ոսկորից։ Եթե հեշտության պոկվում է, ուրեմն պատրաստ է։
5. Սառեցված ձուկը եփելիս միայն սառը ջրի մեջ է կարելի մտցնել։
6. Տապակելու համար ընտրեք յուղոտ ձկան տեսակներ (կամբալա, սաղմոն), իսկ ապուրների և խաշած ձկան համար չոր տեսակներ (թունա, ստավրիդա)։
7. Ձուկը թավային չի կպչի եթե բուսայուղի մեջ մի քիչ աղ ավելացնեք։
8. Տապակելու համար բուսայուղն ու կարագը խառնեք իրար, այդ դեպքում ձուկն ավելի ոսկեգույն կստացվի։
9. Նախքան մանր ձկները տապակելը մեջքի վրա կտրվածքներ արեք, այդ դեպքում ձուկը չի կծկվի։
10. Աշխատեք ձուկը ջեռոցից կամ գազօջախի վրայից հանել նախքան վերջնական պատրաստ լինելը։ Անմիջապես ծածկեք կափարիչով կամ փայլաթիթեղով։ Ձուկը կհասնի նորմալ վիճակին և շատ նուրբ կմնա։
11. Եթե սելյոդկա եք գնել և այն շատ աղի է, թրջեք թունդ թեյի թուրմի մեջ։ Ձուկը ավելի կհամովանա և կնրբանա։
12. Պատրաստելուց առաջ ձուկը մի քանի րոպե դրեք աղաջրի մեջ, որպեսզի աղն ամբողջովին անցնի մսին և ոչ թե միայն արտաքին շերտին։
13. Եթե ձուկը շոգեխաշեք կամ ձեռոցում եփեք կաթի մեջ, այն շատ նուրբ և առանց յուրահատուկ հոտի կստացվի։
14. Որպեսզի կարմիր ձուկը հյութեղ ստացվի, պետք է վրան լիմոնի հյութ լցնել՝ պատրաստ լինելուց 10-15 րոպե առաջ։
15. Եթե ձուկը եփելու եք փայլաթիթեղի մեջ, շատ աղ օգտագործեք, ցանկալի է խոշոր տեսակի։
