Նայելով Քեթի Յունգի կազմվածքին` առաջին պահին կասկածում ես. Արդյո՞ք սա իսկական կին է: Եվ դա զարմանալի չէ, քանի որ Քեթիի կազմվածքը շատ նման է հայտնի Բարբի տիկնիկին: «Եղնիկի» իրանի շրջագիծը կազմում է ընդամենը 38,1 սանտիմետր: Անհավատալի է, չէ՞: Սակայն միշտ չէ, որ այդպես է եղել:
Երիտասարդության տարիներին Քեթին շատ սովորական կազմվածք ուներ, իրանի շրջագիծը մոտ 70 սմ էր: Բայց երեխաների լույս աշխարհ գալուց հետո կինը որոշեց իրականացնել իր երազանքը և հասնել այն բարակ իրանին, որը միշտ ցանկացել էր: Քեթին միշտ հիացել է «Քամուց քշվածները» ֆիլմեւմ նկարահանված հերոսուհիներով և որոշեց կիրառել իդեալական կազմվածքի նրանց գաղտնիքը։ Կինը սկսեց կորսետ կրել։
Քեյթին ամեն օր ավելի ու ավելի էր ձգում գոտկատեղը, կորսետը հանում էր միայն այն ժամանակ, երբ ցնցուղ էր ընդունում: Արդյունքում, մի քանի տարի անց, կնոջ իրանը հասավ աներեւակայելի փոքր չափի: Քեթին նույնիսկ Գինեսի ռեկորդների գիրք է մտել` որպես աշխարհի ամենաբարակ իրանի տերը:
Այսօր Քեթին արդեն տատիկ է, նա 78 տարեկան է, բայց կինը երբեք չի բաժանվել կորսետից: Ի դեպ, Քեթիի ամուսինը բժիշկ է, նա անընդհատ հետևում է նրան և պնդում, որ իր հոբբին բացարձակապես վտանգավոր չէ կնոջ առողջության համար:
Ի՞նչ եք մտածում Քեթիի տարվածության և դրա հետևանքների մասին:
